طرح الفنان المصري حسام_حبيب، أغنية جديدة بعنوان “كدابة”، من ألحان إسلام رفعت، وكلمات عمرو المصري، وتوزيع موسيقي أمين نبيل.
بعد طرح الأغنية اتهم الموزع محمد شفيق، حسام حبيب وصناع أغنيته “كدابة” باقتباس مذهب الأغنية من أخرى أنتجها لمحمود عز منذ شهر تقريبا، وحملت اسم “بياعة”.
اقرأ: حسام حبيب هل يقصد شيرين بكذابة؟
ورد الشاعر إسلام رفعت عبر صفحته على موقع التواصل الاجتماعى “فيسبوك” قائلا: “أنا مكنتش هرد .. بس مضطر أرد لأن اللي بيحصل دة قلة ادب وتطاول، ولسه جايلي تليفون دلوقتي من صديق ليا بيقول إن في حد كاتب بوست إني واخد لحن أغنية حسام حبيب من أغنية لمغني أنا أعرفه معرفة شخصية واشتغلت معاه بالفعل وعلاقتي بيه إنه مغني ولانا ملحن وموزع، يعني واضح مين اللي بيسمع من التاني”.
وأضاف: “أولا مستحيل مستحيل مستحيل أنا اللي بقول إنه يكون توارد أفكار أو خواطر أو نغمات وانا مسروق بالمللي و بالهارموني حتي هو برافو عليه محاولة حلوة منه إنه ينط على بروباجندا حسام حبيب ويحاول نجيب سيرتة ويمكن تصيب معاه.. بس أنا هخليها تصيب معاه إنه يتشهر بأنه غير أمين ومعندوش ضمير نهائي”.
اقرأ: شيرين عادت لحسام حبيب؟
وتابع: “كل الناس عارفيني كويس وعارفين شخصيتي إني عمري ما أعمل حاجه “بالخسة دي” أو بالسذاجة دي!! إني آخد حاجة إبداعية في أكتر حاجة بحبها و هي الموسيقى من حد أو أقتبس جملة من هنا أو من هنا، والحمد لله أعمالي كلها بتتكلم عني”.
وأوضح إسلام رفعت: “الأغنية دي الشاعر عمرو المصري بعتلي كلامها من شهر مايو 2023 اللي فات تقريبا، وأنا لحنت الكلام وعملت شكل ليها وبعتناها لأكتر من مطرب من ضمنهم حسام، وبالفعل كانت من نصيبه والأغنية جاهزة من فترة كبيرة جدا ولكن حسام اللي كان بيأخر”.
اقرأ: رسمياً طلاق شيرين وحسام حبيب وهنا الأسباب! – خاص
واستطرد: “زمرفق في البوست فيديو أنا مصوره بإيدي من الكمبيوتر بتاعي متوثق فيه تاريخ الأغنية وصوتي في الديمو.. الموزع شفيق كاتب إن أغنيتهم نازلة يوم 18/1 وحسام حبيب منزل خبر أغنية #كدابة من يوم 8/1 تقريبا فاللي هو ازاي يعني!!! وأي حد يقدر يعمل سيرش على جوجل ويتأكد من صحة كلامي”.
اختتم إسلام رفعت: “آخر حاجة عايز أقولها إني معايا كل ما يثبت إن اللحن بتاعي من مستندات، وإني هتخذ كل الإجراءات القانونية مع أي حد جاب سيرتي أو اتكلم عليا بشكل مسيء وحاول ينط وعايز يتشهر”.
