يبدو أن رحيل الفنان المصري سمير_غانم، ترك اثراً كبيراً لدى الفنانة المصرية حلا_شيحة، التي بدأت تعيد حساباتها وتفكر في الموت، وهل هي مستعدة للقاء الله أم لا.
إقرأ: حلا شيحة ومعز مسعود يعلنان ارتباطهما!
كتبت حلا تعليقاً مؤثراً على مشهد جنازة غانم، وقالت: (مشهد محتاج لحظات للتأمل ووقفة طويلة مع النفس كل ما تحصل حالة وفاة من قريب او بعيد بلاقي نفسي جوا المشهد و بتخيل اللحظة دي لانها مفيش مفر منها حتيجي فجأة او بعد مرض المهم انها جاية و كلنا حنمر بيها، و بفكر ياتري هل انا مستعدة للحظة دي ؟! مستعدة لاستقبال عالم تاني !؟ مستعدة اقابل رب العالمين ؟! مشهد مرعب اكن الامتحان خلص خلاص و مستنية النتيجة، كل يوم بيموت من حبايبنا و اقرب الناس لينا كلنا بنحضر الدفن و العزا طب و بعد كدة ايه ! منا اللي بيكمل عادي زي ما كان و منا اللي مش عايز يركز في اللحظة دي و منا اللي بيفكر شوية و خلاص بعدها بينسي و منا اللي مش حيعدي عليه المشهد ده كدة و خلاص).
تابعت: (انا بسأل نفسي ياتري احنا بنفني عمرنا في ايه و في مثل مشهور بيقول (العمر مش بعزءة ) مركزين بس في نجاحاتنا و امالنا و مراكزنا، في مشاكلنا و مطحونين في دوامة عمرها ما حتخلص،ياتري ربنا في حياتنا فعلا ؟!و لا نسينا في الزحمة نفكر اننا ماشين، ليه بعد كل موقف وفاة مؤلم زي ده بننسى و بنرجع تاني لنفس الحال بتاع بكرة حبقي احسن بكرة حصلي
بكرة حرضي ربنا بجد و ناس ناسية ربنا اصلا ده حتي بقي الخلاف علي الدين نفسه ده حتي الشك اللي اتبنى جوانا من كتر البعد عن ربنا بقي يخلينا نشك في وجود ربنا اصلاً المعايير اتغيرت جوانا و الاولويات اتلخبطت
مفيش أية في القران عن الدنيا الا و الكلام ان الدنيا لهو و لعب و متاع الغرور و اتحدي اي حد يلاقي غير كدة وبقول لنفسي يا ترى انا فين من المعاني دي وبسأل نفسي لو مسألناش نفسنا دلوقتي حنسأل امتى؟).
اضافت: (الدنيا اللي حنعيشها ايام و حنفارقها و بردو متمسكين بيها وفجأة هنلاقي نفسنا في المشهد ده!! لحظة الصدق هي دي (لمثل هذا فليعمل العٰملون ) مشغولين برأي الناس فينا و شكلنا و مكانا و شهرتنا حتزيد ازاي و محدش حينفعنا في اللحظة دي بفكر كل لحظة علشان بحب ربنا و متأكدة اننا كلنا بنحبه و بنحب كلامه و كلنا لينا لحظات خاصة معاه سبحانه و كلنا عايزين نكون قريبين منه ،و احنا بنبعد بدل ما نقرب حتي شهر رمضان بقي شهر لكل حاجة الا ربنا و القران مع ان مفيش اهم من ايات القران اللي احنا ناسينه بقالنا كتير وحتي لما نقراه بيعدي من غير تركيز حقيقي في معانيه و كورونا اللي حاسه انها دخلت حياتنا عشان تفكرنا وبردو مكملين عادي).
اختتمت حديثها: (مش عارفة اعدي المشهد ده كدة و امبارح فضلت صاحية و صليت الفجر و مش عارفة انام بفكر في استاذ سمير غانم الجميل اللي كنت بتفرج عليه من صغري وقبله استاذ محمد الصغير و فكرت لو ده كان معادي حكون مستعدة؟! كلام صعب بس ده اللي جوايا).
حلا مؤثر جداً ما كتبته، وما تفكر به نحن جميعاً بحاجة لنفكر به أيضاً ونعيد حساباتنا لنرى هل نحن مستعدين فعلاً للقاء المولى عز وجل أم إننا لا نزال في غفله عن هذا اليوم؟
كلام حلا اثار بلبلة واعتبر البعض إنها تلمح لاعتزال الفن مرة جديدة، والتفرغ لعبادة الله، خصوصاً بعد زواجها من الداعية الإسلامي معز مسعود.
إقرأ: حلا شيحة هكذا حملها والدها! – صورة
لحلا أربعة أبناء من طليقها، الذي تركته في ألمانيا بعدما انفصلت عنه بسبب عدم موافقته على خلعها الحجاب كما عودتها للفن.
اعتزلت الفن عام 2006 ثم عادت عام 2018، ورغم كلّ الهجوم الذي استهدفها، لم تتراجع عن قرارها وشاركت بعدة مسلسلات حظيت بنجاحٍ كبير مثل (زلزال) مع محمد_رمضان، و(خيانة عهد) مع يسرا وجومانا مراد.
حلا رغم طلاقها لم تترك أبناءها الذين تهتم بهم كثيرًا لكنها تبعدهم عن الإعلام و(السوشيال ميديا).
