نعت الفنانة المصرية حلا شيحة الممثل المصري الراحل هيثم أحمد زكي، الذي توفى فجر الخميس ٧ نوفمبر/ تشرين الثاني.
كتبت حلا عبر صفحتها: (لا حول ولا قوة إلا بالله، إنا لله وإنا إليه راجعون، خبر صادم فعلًا، مش مصدقة! كان إنسان جميل وطيب، البقاء لله ربنا يرحمه ويغفر له).
تفاجئت شيحة بتعليقات مسيئة لهيثم كتبها البعض رداً على نعيها له، مما جعلها تنزعج وتنفعل.
حلا ردت على من أساؤوا لهيثم وقالت: (الناس اللي داخلة تشتم وتقول أي كلام وخلاص كفاية بقى أنتو مبتزهقوش، نازلين شتايم وسوء ظن في الناس، هو ده الدين؟ يا ريت كل واحد يركز مع نفسه ومالوش دعوة بحياة غيره محدش هيتحاسب مع حد).
أكملت شيحة: (كفاية بقى أو متعلقوش على صفحتي، عظوا نفسكم وكفاية دخول في أعراض الناس ونوايا الناس، محدش يعرف هو إيه عن ربنا ولا خاتمته عاملة إزاي، كلنا بشر مش ملايكة وكل واحد له أحواله مع ربنا فكفاية بقى).