فاجأت الممثلة اللبنانية داليدا_خليل جمهورها بفيديو أعلنت فيه إنها كانت مصابة بكوفيد ١٩ أو ما يعرف فيروس_كورونا، وإنها كانت تعاني كثيرًا في الحجر الصحي.
وقالت إن شقيقتها أصيبت بتفجير مرفأ بيروت في ٤ آب – أغسطس، ولم تستطع حضنها أو الذهاب إليها لأنها كانت ممنوعة من مغادرة الحجر.
اقرأ: داليدا خليل: هذه الممثلة مثالي الأعلى! – فيديو
داليدا لم تستغل مرضها لتسليط الضوء عليها، ولم تعلن عنه إلا بعد شفائها التام منه، وحكت عن هذه المرحلة والتفجير بطريقة مبتكرة وحزينة.
نشرت مقطعًا ضم فيه كل المشاهد الكارثية أثناء وعقب التفجير، ووضعت صوتها عليه وبدت حزينة على وطن يقتل أبناءه بسبب طبقة سياسية فاسدة.
وقالت في الفيديو:
بيروت.. كيفك؟
خبريني عن كوابيسك..
خبريني عن أشباح الليل اللي عتّموا إيامك
وعن يللي سرقوا الضحكة ويتّموا احلامك
من يوم اللي دمروكِ
وانا عم موت
مية موتي عليكِ وعا حلاكِ
انا عم موت
زرعوا حقدن وباهمالن فجروكِ
ومش عم بعرف شو اعمّلك
وداويكي من اللي اذيوكِ
وبهاليوم الأسود كان المرض الساكن فيي
مانعني افتح ايديي لاقرب شخص عا قلبي
واقرب من روحي عليي
مانعني داويلو جروحو
امنع اللي راحوا يروحوا
واختي اللي مرميّة عالارض
تصرخلي وأوصلاّ ما فيي
نشّفوا دموعي
وانكسر قلبي
وانا محجورة بغرفة
وعم موت مرتعبي
شو اللي وصلّنا لهون قولوا شو الخبرية
قولولي مين بدنا نحاسب والحقيقة مخفية
كلّو بستّر ع كلّو
لو كلّن عنا بحلّو
ما هني يللي قتلونا
واصلا هني البلا كلّو
خبريني يا بيروت؟
كم مرة بدنا نموت
وعم بقولوا يللي راحوا
انكتبلن عمر جديد
قوليلي احكيلي
هيدا الحكي مزبوط؟
ومعقولي هني يلللي عاشو ونحنا
ونحنا
اللي عم منموت؟؟؟
