نشرت دنيا سمير غانم صورةً مع فتاة من ذوي القدرات الخاصة كانت تحلم تقابلها وتجري لقاءً معها، خلال فترة التدريب الذي تخضع له في مجال التقديم التلفزيوني، والذي يشرف عليه زوج دنيا المذيع رامي رضوان.
كتبت فخورة بتلك الفتاة الجميلة: (من ٣ أيام كلمتني صديقتي الديزاينر ندى أكرم، وقالتلي إن في بنت جميلة جدا هي تعرفها بتحبني جدا، وأول هاشتاج في حياتها كان على اسم تتر الفينال في لهفة “نفسي أكون مشهورة بجنون”، وإن البنت دي بتاخد كورس إذاعة وتليفزيون في أكاديمية بيدرِّس فيها رامي رضوان جوزي).
تابعت: (إنها المفروض تعمل إنترفيو مع فنان واختارتني أنا فقلت لندي صاحبتي إني طبعا لازم أروحلها لأن إصرارها على إنها توصلي كان عن طريق صديقة ليا مع إن رامي قدامها على طول).
أضافت: (رحت الإنترفيو وقابلت بنت مليئة بالتفاؤل والرضا وزاد احترامي ليها لما عرفت كمان إنها بتيجي من إسكندرية مخصوص كل أسبوع عشان تدرس في الأكاديمية وترجع في نفس اليوم، شكرا يا رانيا، على السعادة والتفاؤل والحب اللي شفته منك في الـ 20 دقيقة دول وحقيقي من قلبي ربنا يوفقك وتحققي حلمك وتكوني مذيعة مشهورة بجنون، أنا فخورة بيكي وسعيدة إني قابلت نموذج مشرِّف ومجتهد زيك).
