وجهت الراقصة المصرية دينا، نصائح وإرشادات للسيدات، من أجل الحفاظ على رشاقتهن والاهتمام بجمالهن.
وظهرت دينا في فيديو عبر حسابها على Instagram ضمن برنامج جديد لها بعنوان “اسمع مع دينا” وفسرت سبب ظهورها الدائم بإطلالات شبابية تجعلها تبدو أصغر من عمرها.
اقرأ: عمرو دياب يشتم معجبيه: أنت أهبل ياض أنت وهو!
وقالت دينا: “أحيانا بيقولوا حاجات تضحك بيقولوا إنتي كبرتي يا دينا ويقولوا إنتي مبيبانش عليكي الكبر ليه، مببقاش فاهمة ببقى ضايعة بين الاتنين، هو أنا كبرت ولا مبيبانش عليا الكبر أنا مبتأثرش أوي”.
وتابعت دينا: “إنما أنا مش معترضه هو أنا كبرت بجد ومبيبانش عليا الكبر، ليه إيه السبب أنا شخص من وأنا عندي 15 سنة لحد النهاردة عمري ما نمت وفي وشي مكياج وعمري ما حطيش كريم بالليل والنهار، عمري ما ملعبتش رياضة يا برقص يا بلعب رياضة، مباكلش غير مرة في اليوم طول عمري الصيام المتقطع اللي طالعين فيه جديد دا بعمله من وأنا عندي 15 سنة”.
وأكملت دينا: “أنا شخص مبيحبش الأكل بحب طبعا نعمة ربنا بحب كل أصناف الأكل إنما مفيش حاجة عندي أحسن من نفسي بحب نفسي أكتر من أي حد في الدنيا فبالتالي بقدر أحافظ على نفسي إني أقدر أوصل لسن معين وأنا محافظة على نفسي مبزعلش إنك بتقولوا كبرتي لأن دي حقيقة مش مضايقاني في حاجة خالص ويارب توصلوا لسني وتبقوا زيي”.
آخر أعمال دينا مشاركتها ضيف شرف في مسلسل “سر إلهي” عرض في رمضان 2024.
مسلسل “سر إلهي”، بطولة روجينا، تأليف أمين جمال، وإخراج رؤوف عبد العزيز، وإنتاج كودكس، ويشارك ببطولة المسلسل الفنان محمد ثروت، الفنان أحمد مجدي، الفنانة مي سليم، الفنانة رنا رئيس، الفنانة نهى عابدين.
