تكفل نقيب الممثلين في مصر أشرف زكي بجنازة الراحل هيثم أحمد زكي، وأشاد به الجميع بعدما تسلم جثمانه ونظّم العزاء.
نشرت زوجته روجينا صورةً جمعتهما وأشادت بخطوته الإنسانية التي أثنى عليها الجميع وكتبت: (ما أنا كنت صغيرة ومش فاهمة وبحبه وأنانية وعايزاه جنبي باستمرار وكانت كل مشكلنا أول الجواز انت بتفضل النقابة علي يعني ممكن يلغي معاد مهم ليا عشان رايح مستشفى او بيحل مشكلة في تصوير او فيه واجب عزا لغاية ماربنا حب يعلمني او يادبني او يربيني ما هو تربيته اعظم تربية فيحصلي حادثة موت واقعد في المستشفى اربعين يوم ماهونش عليا غير اهلي والناس وزميلي ووقفهم جنبي مكنش فية حاجة اسمها وقت زيارة الناس على طول موجودة والله على جبر الخاطر والناس بتطبط عليك وانت في اشد الاحتياج).
تابعت: (الناس دي ما كنش بتجيلي انا كانت بتيجي لاشرف لانها كانت بترد اللي بيعمله معاهم لان هو كل سعادته في الدنيا وهو بيساعد حد وهو واقف جنب حد وهو بيواسي حد وهو بيحل مشكلة لحد وعمره مافرق بين كبير وصغير من ساعة الدرس دا اتعلمت انوا فيه حد في الدنيا يبقى هو الامان السند هو دا اللي هكلمه اول مايحصلى حاجة دا نقيبي اشرف زكي واتعلمت كمان ان بيعملوا اشرف جوزي هيترد ليا انا وبناته وهيبقى في ميزان حسناتك هعيش انا وبناتك فخورين بيك ياحبيبي ربنا يحفظك لنا ويديك الصحة وطول العمر).
