ريما الرحباني تنفي

والسيدة فيروز لن تتواجد

في سوريا

انتشرت أخبار عدّة عن تحضيرات السيّدة فيروز لإحياء حفل في العاصمة السورية دمشق، وانها ستزور سوريا التي عانت ولا تزال من أوضاع صعبة.

إلا أن ريما الرحبانة ابنة السيدة فيروز نفت كل الأخبار المتداولة وكتبت على صفحتها الشخصية على الفايسبوك قائلة:

(يا جماعة وفّروا ع حالكن وعليّي!
ما بقى حدا يسألني عن شي إذا مظبوط أو مش مظبوط
لآخر مرّة بعد الألف بقلّكن أي شي مظبوط رح يصدر أوّل شي من الصفحات الرسميّة.
كما وإنّو أي شي ما صدر من الصفحات الرسميّة يعني حتماً مش مظبوط. ومعناتا بينضم الى قافلة المصادر والمساعي والموثوقة والمقرّبة والإتّصالات والرفيعة المستوى وتعباية الصفحات واللتلتات والكلام الفارغ والإشاعات.. وكل أسبوعين ذات الخبريّة عن جديد..
انا عندي شي تاني أعملو غير إنّي ضلّني عم إنفي! لذا ما بقى رح إنفي شي. اللي حابب يفهم عال واللي حابب يضل يصدّق أي خبريّة يسطفل!
بس رجاء ما بقى حدا يسألني لا بالعلن ولا بالمخفي ولا يعملّي تاغ..
لمّا في شي رح ينعلن عنّو متلما لازم ودايماً عبر الصفحات الرسميّة. وكل ما عدا ذلك كذبة وإنتو بتداولكن إلها عم تخلّوها تصير إشاعة. وشكراً)

جان معوض – بيروت