بعدما اعلنت المذيعة ريهام_سعيد، منذ أيام قليلة إصابتها بفيروس كورونا، قدمت الشكر لجمهورها الداعم لها، وطلبت من الجميع الاستمرار في الدعاء لها حتى تتخطى تلك المحنة الصحية بآمان.
اقرأ: ريهام سعيد: هذا المطرب عدوي!
قالت ريهام: (أنا مش عارفة أشكركوا إزاي علي دعاءكم.. أنا محتاجة دعاءكم جدا لحد بعد بكرة ميعاد الأشعة.. ربنا يخليكوا ليه انتوا بجد سند وضهر.. دعاء ٤٠ غائب بيعمل فرق والدعاء بيرد القدر جميلكوا علي راسي من فوق).
وكانت أعلنت عن اصابتها بكورونا وعلقت قائلة: “بقالي أسبوعين بعاني من كورونا والحمد لله الرئة اتأثرت واتحجزت في المستشفى من شوية”.
وأضافت: “إحساس غريب وأت عندك حاجه مميتة.. بتراجع نفسك كتير وتحاسب نفسك كتير، أكيد غلطت لكن عمري ما قصدت، كان دائما الغرض نفع الغير وإظهار الحقيقة”.
إقرأ: ريهام سعيد أهانت مرضى السمنة؟ – فيديو
وتابعت: “شكرا يا رب على حبك لي وشكرا على ابتلائك الكتير اللي بتدل على اهتمامك بي.. إذا كانت دي النهاية يا رب أحسن خاتمتي واحسب لي كل عمل عملته لوجهك الكريم يا رب، أنت الوحيد اللي عارف أنا عملت إيه وكانت نيتي دائما إيه.. استحملت وصبرت على افتراء وظلم كتير”.
كانت المذيعة المصرية، اعلنت اعتزالها مجال الإعلام نهائياً، بعد ايقاف برنامجها الأخير (صبايا الخير)، واكدت إنها ستتجه إلى مجال التمثيل وتركز به.
