وجهت الفنانة المعتزلة ناريمان، رسالة إلى متابعيها، بعد تعرض زوجها الفنان المصري رامي جمال للتنمر، وبعد اعتبار البعض أن وقوفها جنبه عمل بطولي.
كتبت ناريمان: أنا لاحظت انتشار لبوست بيتكلم ان اد ايه انا قمت ببطولة انى وقفت جمب رامى وان اد ايه دى حاجة عظيمة اولا انا مقمتش بأى بطولات ومعملتش اى حاجة اولا لأن اصلا مفيش حاجة تستدعى دا ورامى زى الفل مفيهوش اى حاجة الحمدلله ثانيا الموضوع دا عند رامى من قبل ما نتجوز بس اللى خلاه يتكلم فى لما بدأ يزيد وبدأ هوا يقرر انه خلاص مش هيداريه بعد كدا وانه هيظهر زى ما هوا ويحاول يوعى الناس عن طبيعة المرض دا والامراض المشابهة اللى المجتمع عنده جهل بيها مش اكتر و مكنش قصده ابدا ان الموضوع ينتشر كدا).
تابعت: (ودا الاهم واللى بيخلينى اكتب الكلام دا دلوقتى بعض التعليقات اللى شفتها اللى حقيقى صدمتنى اد ايه الناس بتدخل جوا النوايا وتقرر تحكم على أشخاص لمجرد انهم معروفين فا دا بيديهم الحق يدخلوا جوا قلوبنا وحياتنا ويتكلموا فى أدق التفاصيل اللى المفروض انهم معندهم علم بيها بيدخلوا جوا بيوتنا وحياتنا وقلوبنا وكأنهم شايفين جواها ايه وبيحكموا كمان انا لو وريتلكوا عينة من التعليقات اللى بشوفها حقيقى هتتخضوا كفاية بأة تنمر وكفاية حكم على الآخرين وكفاية كلام ملوش وجود لأن دا حقيقى حاجة تفزع واتمنى كل واحد قبل ما يقول حاجة يفكر مليون مرة لو هوا فى نفس مكان الشخص دا كان هيحس بأيه).