حلت الفنانة المصرية زينة، ضيفةً على برنامج (AB Talks)، الذي يقدمه الإعلامي أنس بوخش، وفتحت قلبها للمرة الأولى متحدثة عن تفاصيل انجابها طفليها التوأمين من الفنان أحمد عز، ومعاناتها في تربيتهما وحدها والقيام بدور الأب والأم.
قالت زينة خلال لقائها مع الإعلامي أنس بوخش: “أنا شوفت في حياتي حاجات محدش يقدر يتجاوزها.. ومحدش يقدر يعيش اللي أنا عيشته، مرحلة إني بولد في الغربة لوحدي وولادي اتولدوا تعبانين أوي وكل يوم بكتشف فيهم مرض جديد، وأنا فاكرة أنهم كتفوني عشان يغيرولي على الجرح”.
وتابعت: “أنا كنت خايفة امشي عشان ابقى قعدت معاهم أطول وقت ممكن وشوفتهم وشبعت منهم، بس أن الوالدة المفروض تاكل وتستريح وأنا كنت بنسى أشرب مياه وفي المستشفى افتكروني مجنونة وواحدة مش طبيعية وماليش أهل خالص وجابولي شيخ ودكتورة نفسية والدكتورة دي كانت هندية وأنا بكلمها عربي، واتضح إني بكلمها عربي عشان مطمنة لها”.
اقرأ: حقيقة زواج عمرو دياب من السعودية رهف الحربي! – خاص
استكملت: “جابوا لي مترجمة عشان كانوا هياخدوا عيالي لأنهم فاكرني مش طبيعية وكنت عنيفة معاهم أوي، المترجمة عرفتني وقالت لهم إني ممثلة مشهورة ودخلوا على جوجل وعرفوني”.
اختتمت: “قالتلي اسكتي خالص واعملي اللي أقولك عليه عشان هياخدوا عيالك لأنهم امريكان ومن حقهم، نزلت وجبلتهم هدايا وعملت حاجات تحسن صورتي، والدكتورة الكبيرة قالتلي لو كل الأمهات في البلد بتاعتك زيك دي تبقى أعظم بلد في العالم”.