منذ 10 أشهر علقت الفنانة ومقدمة البرامج سارة نخلة، على تصريحات الفنانة حورية_فرغلي التي تصدرت التريند حول استئصال الرحم وعدم قدرتها على الانجاب ورفض طلبها في تبني طفل بسبب عدم زواجها قائلة: انتي مستوفتيش شروط الكفالة.
قالت سارة نخلة خلال برنامجها فيس أوف على شاشة قناة هي: “في بعض التصريحات مينفعش ي جماعة اننا نقولها عن عبث بدون سيرش أو نسأل، مينفعش نجمة بحجم حورية فرغلي تطلع تقولك أنا منعوني من التبني، لو جينا للدين إحنا حرام نتبنى، في حاجة اسمها كفالة اليتيم، في دولة بتشتغل كل سنة على مشاريع جديدة وتسهيلات كتيرة جدا علشان نقدر نكفل اليتامى والأطفال اللي محتاجة رعاية”.
وتابعت: القوانين اللي بتتعمل أو التسهيلات دي الهدف منها تقليل عدد المؤسسات أو دور الرعاية، وزيادة عدد الأطفال المكفولين، إحنا كدولة بنشوف مشروعات من وزارة التضامن الاجتماعي بتوفر وتسهل لينا الكفالة فمينفعش أطلع أقول مسمحوش ليا لأن في شروط للكافلة ممكن يكون حضرتك مستوفتيش الشروط كلها، الكلام واضح ومش محتاج ترجمة مش هصحي الصبح أقول عايزة أكفل طفل ف هيحصل”.
كانت الفنانة المصرية حورية_فرغلي، طمأنت جمهورها على حالتها الصحية عقب خضوعها لعملية استئصال الرحم.
وقالت حورية فرغلي خلال مداخلة هاتفية ببرنامج “حضرة المواطن”: “أنا من زمان عندي أورام وشيلتها، والدكتور قال لي قدامك كام سنة وحاولي تتجوزي علشان تعرفي تخلفي طفل، وبعد كده نشيل الرحم”.
اوضحت حورية أنها كانت بصدد إجراء فحوصات طبية دورية، واكتشف الأطباء ورماً في رحمها ويجب استئصاله فورًا.
تابعت: “قلت الحمد لله، ربنا مش كاتبلى، وأنا مش متضايقة، الحمد لله، أنا راضية بقضاء الله”.
اضافت: “ذهبت لعمل أشعة علي الرحم لقيت فيه ورم، ولازم الرحم يتشال، قلت الحمد لله ربنا مش كاتب لي الجواز، ولسه طالعة من المستشفى وشكرا لكل اللي دعوا ليا وأنا مش متضايقة وراضية بقضاء الله”.
حورية فرغلي، كانت أجرت في وقت سابق العديد من العمليات لاستئصال ورم في الرحم، قبل أن تجرى الجراحة الأخيرة بشكل كامل، وذلك بعد نصيحة الأطباء لها بضرورة استئصال الرحم خوفاً من تكوين أورام خبيثة بداخله.
وفي أول تصريح لها اكدت حورية أنها متعبة للغاية ولا زالت في مرحلة التعافي.
)
