علقت الفنانة ومقدمة البرامج سارة نخلة، على أغنية “٣ ساعات متواصلة” للفنانة روبي، والتي تصدرت التريند خلال الساعات الماضية قائلة: “مش كل الدعاية هي دعاية جميلة لان في دعاية سلبية، هي عرفتنا ان المطرب الفلاني عمل اغنية بس مين قال ان الاغنية حلوة ومين قال ان دا عمل ناجح”.
قالت سارة نخلة خلال برنامجها فيس أوف والذي تقدمه على شاشة قناة هي: دخلت سمعت الاغنية ومصدقتش انها كلمات والحان عزيز الشافعي دي كلمات بنت مراهقة عندها ١٤ سنة ممكن يكون التقال قدامها وقالته تاني، انا مستغربة ان روبي نفسها رضيت تغني الاغنية دي، روبي عملت اغنية العجلة والناس كلها هاجمتها والدنيا قلبت عليها ساعتها ولكن بعدها الناس عرفت مين روبي وعملتي قاعدة جماهيرية من المراهقين ومثلتي وكاملة ابو ذكري شافت فيكي ممثلة فظيعة وانتي ممثلة حقيقي رائعة مش محتاجة ترجعي العجلة تاني”.
اقرأ: هل تعود شيرين لحسام حبيب؟
وأضافت: “اهم نقطة ان جمهور روبي مش نفس جمهور ام كلثوم دي اهانة اصلا، لأن عزيز الشافعي قال ماهو ام كلثوم قالت دوق معايا الحب، ومفيش اي وجه مقارنة بين روبي وام كلثوم و روبي عمرها ماهتكون أم كلثوم مش نفس الجمهور ولا نفس المزيكا ولا الكلمات ولا نفس صوت ولا نفس الطلة”.
واختتمت سارة مطالبة تدخل نقابة المهن الموسيقية: “بنطالب ياما الاغنية تقف يا الكلمات دي تتغير ولا عشان هي روبي فمش هنتكلم لكن لو مطرب مهرجانات لسة طالع جديد نهاجمه ونوقفه عادي المبادئ مبتتجزأش واللي هيمشي على اغاني المهرجانات هيمشي على روبي”.
