شنت الفنانة المصرية سمية_الخشاب، هجوماً كبيراً على أي رجل يتعدى على امرأة بالضرب، واعتبرته جاهلاً ويفتقد صفات الرجولة الحقيقية.
كتبت سمية عبر صفحتها: (المخلوق اللي يمد ايده علي واحده ست ملوش علاقه بالرجوله واي ان كان السبب واي ان كان علاقته بيها. المهر ولا الشبكه ولا حتي دم قلبك مش معناها انك اشتريتها دي انسانه وربنا كرمها هتيجي انت يا “جاهل” وتهينها.. وجع ف”مجانصك” وعضلاتك اللي انت فرحان بيهم).
تابعت: (كفايه جهل وقله وعي ونشر سموم العالم وصل للقمر وانتوا لسه عايشين فالجاهليه..اصحوا!).
سمية تعرضت للعنف الزوجي من قبل، وكانت روت تفاصيل تعرضها للضرب على يد طليقها السابق الفنان أحمد_سعد، وصدمت الجمهور حينها بتفاصيل ما تعرضت له.
قالت: (حياتي كانت في خطر معاه، ولكني كنت بحاول أتظاهر أن حياتي حلوة، لكن هو كان عنده ظروفه، زي ما طليقته ريم قالت قبل كدة كان عنده ظروف صعبة، ولازم كان حد يقف جنبه ويدعمه).
تابعت: (كان هيقتلني وكان ممكن دلوقتي يبقى موجود في السجن بقضية شروع في القتل، وخسرت جزء من جسمي بسببه، تسبب لي عاهة مستديمة وفقدت طحالي بسبب أحمد سعد، وعندي مستندات وورق يثبت كلامي، وشهود ودكاترة وكل حاجة).
اقرأ: سمية الخشاب: فضلت أنزف 48 ساعة وأخوه قالي الطحال مالوش لازمة! – فيديو
ذكرت الخشاب تفاصيل مؤلمة وصادمة، عندما قالت: (ضربني في ضهري مش في وشي، بالخاتم اللي في أيده وفضلت أنزف نزيف داخلي وربنا ستر وكنت هموت، وفقدت جزءً كبيراً من دمي واتنقل لي دم كتير جداً وكنت في العناية المركزة، وقولت للدكتور وقتها أحمد سعد اللي عمل كدة وكنت بتشاهد على روحي لأني كنت حاسة أني هموت، ووقتها بكى وقالي سامحيني أنا ماكنتش في وعيي، وفضل يقولي هو أنتي هتفضلي تقوليلي الطحال الطحال، ما خلصنا بقى أساساً مالوش لازمة في جسم الإنسان).
أما عن أسباب ضربه لها، قالت: (كان مشحون مني عشان ماكنتش عايزة أقعد معاه في بيته اللي في التجمع، وقعدت في بيت ماما).
اضافت: (أهله سايبينه يخبط ومحدش فيهم قادر يسيطر على وضعه، حتى اخوه الكبير الدكتور سامح اللي في مستشفى 57357 قالي الطحال ده ملوش أهمية في الجسم).
اقرأ: سمية الخشاب ترقص وتصرخ وتنبهنا من أحمد سعد وتحية لثوار لبنان – فيديو
اختتمت كلامها: (فضلت أنزف 48 ساعة واتنقلي 5 أكياس دم..انكتبلي عمر جديد، وسامحته عشان قالي مش قصدي ودا قدر).
سمية لم يكسرها عنف زوجها، انفصلت عنه وبدأت حياة جديدة وعادت أقوى مما كانت عليه.
الآن سمية تنصح كل من تتعرض للضرب بألا تصمت أمام تلك الجريمة والاهانة النفسية والجسدية البشعة، ومن واقع تجربتها المريرة تعطي نصائحها لكل السيدات عسى أن تستفيد أي واحدة من كلامها.