وجه الفنان المصري شريف_منير، انتقاداً للصحافيين بعد طريقة تناولهم لخبر تعرض منزله لحريق، والذي نشب الأسابيع الماضية.
قال شريف في تصريحات مع المذيعة رندة جبر ببرنامج The Insider بالعربي على تليفزيون دبي: “أنا بلوم على الصحافة والمصادر اللي بتتكلم عن أي حدث بيحصل، والتهويل الكبير، لإن هما قالوا بيته إتحرق تماما. ولا حد عارف حاجة، ولا حد شاف حاجة”.
اقرأ: زوجة شريف منير تروي تفاصيل حريق منزلهم – فيديو
وأضاف: “يعني إنتو بتحبوا الخراب؟ يعني إنت حابب تضخم الموضوع عشان تخرب الدنيا، أولا ده بيخض الناس اللي حوالينا وأصحابنا وقرايبنا، وقرايبنا وصحابنا اللي في بلاد تانية، طبعا بيوصل لهم الخبر. فده نوع من الصحافة السخيفة أنا مبحبهوش”.
كان منير نشر فيديو وقت وقوع الحادثة وكتب معلقًا: “الحمدلله .. قدّر ولطف .. سيجارة إترمت من مكان ما على سقف أوضه عندي في تراس البيت .. شبت حريقة .. والحمدلله رجال إطفاء المقطم قدروا يسيطروا على الحريق”.
وتابع شريف منير قائلًا “الحمدلله قدر الله وماشاء فعل . وأشكر جيراني لوقفتهم بجانب زوجتي و بنتي إللي كانوا لوحدهم في البيت ..لإني بصور من ٧ صباحاً وده حصل وأنا مش موجود”.