تعرض الفنان المصري شريف منير، لموقف مزعج، بعدما نشر صورة لابنتيه عبر السوشيال ميديا، وتفاجأ أن البعض من متابعيه تنمروا بهما وسخروا منهما.
شريف حذف صورة ابنتيه في البداية، لكنه بعد فترة عاد لينشرها من جديد، ليتحدى المتنمرين ونشر فيديو جديد ظهر فيه برفقة ابنتيه.
قال منير في الفيديو: (دول المذنبين، دول المتهمين، إلى عملوا المصيبة، إلى اذوا الناس، إلى اذوا الدين، لان الناس إلى شتمونى ملائكة، بيكلمونى بالدين، البينتين الكبار أوى دول هما إلى اذوا الدنيا كلها، عموما بشكر كل الناس إلى وقفت جنبى، ودعمتنى ودعم أولادى).
تابع: (أنا بطلب من الناس إن يبقى فى وقفة قوية، يجوز اننا كنا نقطة تحول، لازم كلنا نبقى ايد واحدة، أى أذى يجيلك، أو أى تنمر يحصلك، متسكتوش، اعملوا بلاغ، الاهتمام غير طبيعى من السيد النائب العام، والناس فارق معاها جدا جدا، وعاوزين يساعدوا جدا جدا، لازم نحط حدود للناس الى بتمشيلنا حياتنا، دول بناتى إلى اتهانوا واتجرحوا علشان كنت فرحان بيهم، فا خدت على دماغى جامد، بس الرد هيبقي جامد أوي).
بينما وجهت ابنته فريدة رسالة قائلة: (عاوزة أقول إن أنا اتهانت وأتاذيت وعاوزة حقى وحقى هيرجعلى إن شاء الله”، وقالت ابنته كاميليا: (ناس كتير شتمنى وشتمت ببايا، وأنا مبحبش حد يشتم بابا، وأنا عاوزة أخد حقي، ليتختتم منير قائلاً: (وأى حد يتعرض لأذى أو إهانة هيجيله حقة لحد عنده، لإن احنا فى دولة قانون).
وكان قبل يوم نشر صورة بنتية وكتب:
أنا إمبارح نزّلت صورة بناتي (الصغيرين) ولقيت تعليقات من ناس سافلة و مريضة.. جرحوني وجرحوا بناتي.. وتحت ضغط من بناتي ووالدتهم.. طلبوا منّي أمسح الصورة.. فمسحتها .
لكن أنا نزّلتها تاني لإن شوية الهمج المتخلّفين دول مش هما إللي هيحددوا أنشر إيه و ما أنشُرش إيه ..
و أي حد هيكون على أي صفحة تخُصّني.. لو تعدّى حدوده.. هتاخد الإجراء القانوني ضده.. إللي بيوصل للسجن أحياناً.
https://www.instagram.com/tv/CBYdx0HHgmI/?igshid=1jhfk4vzio27x