اثارت حلقة استضافة المذيعة مروة صبري، فتاة الـ”كدا كدا” سندس عبد الهادى فى برنامجها “قعدة ستات” الذى تقدمه على قناة “ألفا اليوم”، جدلاً كبيراً على صفحات السوشيال ميديا فى الساعات الماضية، حيث تحدث سندس خلال الحلقة خلال الحلقة عن كواليس تصوير فيديو الفضيحة من بنت خالتها، والذى انتشر بكثافة على السوشيال ميديا فى الفترة الماضية.
وبمجرد عرض الحلقة لاقت مروة صبرى هجوماً لازعاً من رواد صفحات السوشيال ميديا بسبب استضافتها فتاة الـ”كدا كدا” سندس عبد الهادى وهو ما دفع مروى للرد على هذا الهجوم موضحة: بصراحة أنا مخضوضة من كم الهجوم اللى حصل عليا بشكل شخصي بسبب حلقة سندس في الحلقة، ولقيت الناس كلها مهاجمانى على السوشيال ميديا ومش عارفة ايه سر الهجوم، بتسأل إيه المحتوى اللى انتى بتقدمى دا! ومين سندس دى!؟علشان تستضيفها.
وأشارت مروة صبرى إلى :”سندس دى مش أنا اللى شهرتها وعملتها نجمة، ولكن السوشيال ميديا اللى عملتها نجمة وبقت أشهر واحدة على تيك توك واتعرفت بفتاة كده كده، فأنا لما استضفتها في البرنامج بتاعى اللى اسمه “قعدة ستات”، وواضح من اسمه انه بيهتم بكل مشاكل الستات وأى حاجة لها علاقة بالمرأة بنسلط الضوء عليها”.
وتابعت مروة صبرى:”سندس دى بقالها فترة موجودة على السوشيال ميديا من 7 أو 8 شهور أو اكتر، وانا استضفتها بسبب واقعة بنت خالتها اللى جابتها البيت عندها من كتر ما هيا غيرانه منها واكتشفت وشافت قدامها انها بقت مشهورة أكتر والناس بقت تتصور معاها، فبقت تغير منها وجابتها بيتها وصورتها من وراها بمؤامرة مع صاحبتها، فجبتها مش علشان هيا سندس بتاعة التيك توك وانما علشان انها واحدة اتعرضت لمؤامرة من وراء الغيرة من بنت تانية”.
واستكملت مروة :”طبيعى انى كنت متعاطفة مع سندس ومع الموقف وان مينفعش حد يصور من وراه ويدمره على السوشيال ميديا، ولازم تبقى فاهمين حاجة، ان السوشيال هيا اللى بتعمل الناس نجوم مش الإعلاميين لأنهم لما بيستضيفوا شخص في البرامج فدا نتيجة ان انتوا اللى خليتوه نجم”.
يذكر أن مروة صبري قدمت خلال مشوارها العديد من البرامج على مختلف القنوات الفضائية منها “صوت الناس” على قناة المحور، و”صباح الورد” على قناة TEN، و”عيش صح” على قناة “صدى البلد”، و”عز الشباب” على قناة روتانا مصرية، وفى الإذاعة قدمت “لعبة الأجزخانة” على نجوم اف ام، و”اسمع وافصل” على الراديو 9090.