ردت الفنانة المصرية شيرين عبد الوهاب، بشكل سريع على هجوم طليقها الفنان المصري حسام حبيب، خصوصًا لتقليله من شأن أهلها ومنطقتها القلعة التي نشأت بها.
قالت شيرين:
“هو أول حاجة دلوقتي بيقول أنا سكت كتير وكل مرة يتقال عليا أن أنا حرامي والكلام ده، أول حاجة أنا ماتهمتوش بسرقة خزنة، ازاي هيبقى سارق مني خزنة وهبعتله مكافأة ٢٠٠ الف دولار؟ يعني انا هبعتله مكافأة أنه سرقني؟”.
اقرأ: حسام حبيب يرد على شيرين: هحبسها وعملت لها بلوك!
تابعت: “وازاي بيقول أن أنا سرقت تحويلها البنكي وأنا اصلا اللي باعتة له الناس بالمستندات اللي عندك ايميله وبطاقته عشان يتعمله حساب بالدولار وحساب بالمصري عشان الفلوس اللي ياخدها مني يحطها في حساباته”.
اضافت: “بطل بقى عشان شكلك بقى وحش، الناس بتحبني عشان مكتوب في ورقة جوازي إن مهري 60 قرش، أنا طماعة إزاي؟، أنت دلوقتي اللي بتاكل في لحم الست اللي كانت مراتك، بس ببلاش، أعرف ربنا الأول وبعدين اتكلم عليه، أنا متهمتوش إنه سارق مني خزنة، وأنا بعتاله 200 ألف دولار”.
استكملت: “أما بالنسبة للمستوى اللي بيتكلم عنه إنه متعلم وقارئ، فـ أنا بقوله الناس الشعبية اللي من القلعة هما دول اللي جدعان اللي متربيين وميقبلوش إن مراته تصرف عليه، وبشهادة كل الناس وحتى رضوى الشربيني قالتها، إيه الشغلانة دي عشان نشتغلها، 6 سنوات مبيدفعليش 100 جنيه مصروف”.
وواصلت شيرين عبد الوهاب: “بالنسبة إنه بيقول أنقذوني منها، مفيش راجل من ضهر راجل يقول كده، مش يوطي ويبوس الأيادي، ويقول هموت من غيرك، وقال أنا بحبها أكتر من كرامتي، وكل مرة برجع عشان بيصعب عليا وبيعيط وبيركع وبيتنازل”.
كما أكدت شيرين أنها انتهت بشكل كامل من تحضيرات أغنيات جديدة ستطرحها قريبًا، وقالت: “أنا انتهيت كان واخدني شمعة منورة وعندي شغلي وناجحة، بقالي 6 سنوات مش عارفة أنزل أغنية من غيرته، وعملتله ستوديو، الحمد لله ربنا فرجها عليا لما سبته وهنزل أغاني الأسبوع الجاي”.
واختتمت شيرين عبد الوهاب حديثها قائلةً: “كل الناس فاهمة إن اللي بيعمل الشويتين دول هما اللي متعلمين، ومبيقبلوش إن ست تصرف عليه 6 سنوات، أنا اللي بنت الناس وبنت القلعة وأتشرف إني منهم، واتكلم عدل لما تيجي تتكلم عنهم جزمتهم على دماغي بلا وكسة يا ابن الناس”.
