أعلنت المطربة المصرية شيرين_عبد_الوهاب، عن موعد حفلها في جامعة مصر للعلوم والتكنولوجيا، والمقرر إقامته يوم 10/8 الساعة 8 مساءً.
اقرأ: شيرين تفضح حسام حبيب وتطالب الجماهير بالتبول عليه – فيديو
نشرت شيرين، البوستر الرسمي للحفل وذلك عبر حسابها على السوشيال ميديا.
وكتبت شيرين، مُعلقة: “وحشتوني جدًا إن شاء الله هكون معاكم في حفلة يوم 10/8 في جامعة مصر للعلوم والتكنولوجيا”.
كانت شيرين شنت هجوماً كبيراً على طليقها حسام_حبيب عبر مداخلة هاتفية مع المذيعة لميس_الحديدي واتهمته بسرقة سيارتها.
اقرأ: شيرين تخرج عن صمتها وتوضح حقيقة حملها
وجاءت مجمل تصريحات شيرين مع الحديدي كما يلي:
– كنت محبوسة في أوضة نومي ٢٤ ساعة وعايشة مع زوج مابيشتغلش.
– حسام اداني هدية في ايدي رصاصة.
– كنت أنا اللي بشتريله الاغاني اللي تعجبه.
– زهق مني عشان تخنت وقالي مش عايز واحدة قد أمي.
– وقع بيني وبين كل اصحابي وبعدهم عني وعنده عقدة من الناس كلها لانه مريض نفسي ولازم يتعالج.
– حسام ضربني وسحلني في الارض وهو اللي حلقلي شعري.
– حسام خسرني امي واصحابي والسواق بتاعي وكرهني في بناتي وكان حاسس ان الناس كلها متأمرة عليه.
– هو السبب في اني أحلق شعري بسبب أنه كان عايز يجبرني على النزول بقميص النوم خلال تواجدنا في أحد الفنادق.
– ادعوا الشعب المصري والعربي انهم لو شافوه في الشارع يتبولوا على وشه، انا عايزة كل الناس تتف عليه.
– كذبت في حاجات عشان انا بنت أصول وبستغفر ربنا.
– أسسنا شركة مساهمة كان هو رئيس مجلس إدارتها وكانت محاولة نقرب تاني من بعض بس مرجعناش.
– مخلفتش منه عشان ربنا يحميني منه.
– عملتله محضر بعدم التعرض لي ولبناتي وهو انسان خطر وادعوا الناس انهم يتبولو علية اما يشوفوا.
– أجوز قرد أو فيل من حديقه الحيوان أفضل من أني أعيش معاه.
– دفعت فلوس الشقة اللي اهل حسام حبيب قاعدين فيها وحسام مخدش مني فلوس في ايده فكنت بدي حقه لامه.
– انا متأذتش من حد في حياتي زي ما شفت من حسام حبيب وكان شخص أسود من جواه.
– جبت عربية وكتبته بأسمه راح باعت ناس تسرقها من أودام بيتي، وكان عايز يعملي محضر اني سرقت العربية.
– كنت شبه البدر بقت شبه حسن ابو السعود بعد ما عرفته.
– عندي فيلم وأغاني جديدة وهكسر الدنيا الفترة اللي جاية وفي اغنية بعد 10 أيام.
– لازم أروح أتعالج من أثاره السلبية عليا.
– سارة الطباخ ربنا ياخدها وهي من اسباب المشاكل.
– سرقني وبكرهه وهو شخص أسود.
– انا من القلعه ولو فكر يأذيني هروح اولع في بيته.
– عشت أسوء أيام حياتي مع حسام حبيب ورسالتي لكل الناس انهم يختاروا صح.