احتفلت الفنانة المصرية شيرين عبد الوهاب، بعيد ميلادها الأربعين الذي وافق يوم ٨ أكتوبر/تشرين الأول، وبهذه المناسبة وجهت رسالة مطولة لجمهورها وزوجها الفنان حسام_حبيب ووالدتها.
كتبت شيرين عبر صفحتها:
(كل سنة وإنتم عيدي. دعاء أمي ليا كان محبتكم، ورضا ربنا عليا محبة الناس .. ديمها عليا يا رب! السنة دي أول مرة بيجي عليا يوم ميلادي وألاقي نفسى بضحك وسعيدة).
تابعت:
(كل سنة كان بيكون اليوم ده بالنسبالي يوم حساب أنا عملت إيه ومعملتش إيه وكان لازم أعمل إيه، لكن السنة ديه حاسة ان فيه حاجة مختلفة وأهدافي اختلفت).
اضافت:
(سعيدة وبضحك علشان ببص علي كل حاجة بإيجابية، زي إني الحمد لله على مدار ٢٠ سنة مقصرتش في شغلي وعملت شغلي بمنتهى الحب والحمدلله نجحت في كل حاجة عملتها وربنا كان توفيقه كبير، على المستوي الشخصي انا سعيدة جداً بأحسن زوج في الدنيا لأنه جوزي و أخويا وصديقي وإبني و سعيدة ببناتي وعيلتي ربنا يباركلي فيهم وكل جمهوري في الوطن العربي كله اللي بيخليني احس أن كل البلاد بلدي).
اختتمت كلامها:
(سعيدة بنجاحي ونجاح زمايلي وزميلاتي علشان احنا بنسعد الناس بشغلنا وأتمنى يبقوا بصحة كويسة وبشكر كل إنسان ساعدني في حياتي علشان أوصل للي انا فيه دلوقتي).