فاجأ الممثل والكاتب اللبناني طارق سويد جمهوره حين قال أنه عانى من أمراض عدّة لكن حالته تدهورت مع تدهور كل شيء حوله في لبنان.
وكتب: (سنة 2020 كانت سنة النجاحات بالنسبة اليه، فجأة وبدون سابق انذار، بلاقي حالي عم بوقع وصحّتي عم بتخوني)
وتابع: (جسدياً ونفسياً صرت بالأرض وقرّرت حارب، بس وصلت لمطرح خلص ما عدت قادر، أمراض المناعة الذاتية عم تنهشني وصحتي النفسية بالأرض، ما عاد ولا علاج او دواء يمشي عليي)
اقرأ: طارق سويد الأصدق في رمضان و(بالقلب) يحتل القلوب!
وأضاف: (كل اللي عم بحلم فيه ما عاد الو معنى وقيمة، صار حلمي ارجع اوقف ع إجريي. الناس تسألني وينك وليش غايب عنا وأنا اتوجّع أكتر لأن مهنتي اللي هي كل شغفي بالحياة مش قادر ارجعلها)
وختم: (رح ارجع أوقف ع إجريي وأقوى من قبل الاستسلام منو خيار، منو إلي. راجع وأقوى من قبل)
اقرأ: طارق سويد لمن قال: (انشالله بيتعذب ذات العذاب قبل ما يموت)؟!
قال طارق إنه لم يكن يريد التحدّث بهذا الأمر:
مش قادر كملها حتى.. بعرف انو اهلي ورفقاتي رح يزعلو مني لأني عم شارك الناس باللي عم بمرق فيه، بس رح إلحق إحساسي.. اللي بحبو قلمي وشغلي بحقلن يعرفو ليش إلي سنتين غايب رح ارجع اوقف عإجريي وارجع و اقوى من قبل الاستسلام منو خيار منو إلي راجع و اقوى من قبل)
