اكد الطبيب المصري الكبير جمال شعبان ما نشرناه في الجرس حول تفاصيل الأزمة الصحية للفنانة المصرية ياسمين عبد العزيز، حين ذكرنا أن ياسمين خضعت لعمليةاستئصال ورم ليفي من الرحم، وتعرضت بعدها لمضاعفات خطيرة.
اقرأ: ياسمين عبد العزيز استأصلت ورماً من الرحم واصيبت بتسمم في الدم!
كتب الطبيب عبر صفحته تفاصيل كل ما حدث مع ياسمين وقال:
(الفنانة ياسمين عبد العزيز ربنا يتم شفاءها كانت داخله تعمل
Ovarian cystectomy and fibroid myomectomy
abdominoplasty…. حصل غالبا iatrogenic cecal injury… ودخلت فى peritonitis…و عملت limited right hemicolectomy and diverting ileostomy
يعني كانت داخلة تعمل استئصال ورم ليفي في الرحم وكيس في المبيض وحدثت إصابة للقولون غير مقصودة والتهاب بريتوني وsepsis وصدمة تسممية واضطروا يفتحوها تاني ودي مضاعفات بتتكرر ف العمليات اللي زي كده واكيد فنانة و نجمة بالمستوي داعملت العملية مع أمهر جراح ف المجال دا، لكنها إرادة الله، وستره وتوفيقه وما رميت إذ رميت ولكن الله رمي).
اختتم كلامه: (الدرس المستفاد Recommnedoma syndrome الحالات المهمة المتوصي عليها من الناس غالبا بتحصل لها مضاعفات خلي واسطتك رب الناس المضاعفات خلال وبعدالعمليات بتحصل مع best hands عمرها ماكانت كبيرة على حد ومهما الطبيب كبر وزاد علمه بدون ستر الله لن ينجح مسعاه شفي الله وعافي النجمة الطيبة خفيفة الظل).
ورغم انتشار تلك المعلومات إلا أن زوجها الفنان أحمد_العوضي، يلتزم الصمت ويرفض الادلاء بأي تفاصيل عن حالتها الصحية.
اكتفى العوضي بطلب الدعاء لها، موضحاً أن حالتها صعبة وعبر عن قلقه الشديد عليها، معتبراً أنه يمر بأضعف لحظات حياته.
إقرأ: ياسمين عبد العزيز لم تلجأ للتجميل وهذه النتيجة! – فيديو
كتب العوضي عبر صفحته:
(يمكن ببان قدامكم دايما قوي .. لكن الحقيقه انا دلوقتي اضعف انسان علي وجه الارض عشان انا روحي مش معايا … انا ضعيف جدا من غيرك انتي لازم تبقي كويسه ولازم تقومي بالسلامه … انا لاول مره اكتب من غير ما اكون مفكر انا بكتب ايه وهكتب ايه … بس انتي هتقومي ان شاء الله باذن الله عشان انتي وعداني وعد وهتتفذيه … انا عاوزك تبقي كويسه وتقومي عشان اقولك اني لو كنت ببينلك اني بحبك مره فالحقيقي واللي جوايا اني بحبك الف مره).
تابع: (وانا دلوقتي مش قوي زي ما انتي بتشوفيني انا دلوقتي ضعيف ضعيف جدا .. لحد ما تقوميلي تاني عشان زي ما انتي بتاخدي قوتك مني انا كمان باخد قوتي منك …. قومي عشان انا بحبك… بحبك اكتر بكتيير من كل الكلام اللي انا كتبته .. اكتر بكتير من كل اللي عدينا بيه مع بعض من ايام حلوه ومواقف صعبه مرت علينا، اكتر بكتير حتي من الموقف اللي احنا فيه دلوقتي .. انا بحبك .. ادعولها تقوم بالسلامه زي ما انتو دايما بتدعولها بالنجاح والتوفيق .. هي دلوقتي محتاجه دعواتكم).
إقرأ: ياسمين عبد العزيز وضعت المساحيق لمرة نادرة! – صورة
ما كتبه العوضي يوحي بأن ياسمين تمر بأزمة صحية كبيرة، ويبدو أنه يعاني نفسياً ويعيش قلقاً كبيراً عليها.
نتمنى من الله الشفاء العاجل لياسمين، وأن تعود لزوجها وابنائها وكل جمهورها بعافية وصحة في أسرع وقت.