طرحت النجمة المصرية أنغام، أحدث أغنياتها بعنوان “عشان أرضيك”.
اقرأ: ياسمين صبري توضح حقيقة عودتها لأبو هشيمة!
الأغنية كلمات أحمد قطوط، ألحان أحمد زعيم، توزيع وليد فايد، ومكيس وماستر أمير محروس.
تقول أنغام في أغنيتها الجديدة:
عشان ارضيك انا شفت الحياه بعنيك
انا عشت اللي عدي ده ليك
بقيتلي الماضي و الحاضر .. بنيت الجاي كله عليك
عشان ارضيك نسيت نفسي نسيت روحي
لغيت راحتي بقى طموحي
تقول حاجه واقول حاضر “ولا بترضى في يوم معاليك”.
مش فاكره ليك لحظه هنا
مش هبقى تاني مسلمه
قلبي اللي كان لك زي ضلك لسه الجراح فيه معلمه
وياك سنين متحمله
تجرح و برضو مكمله
ليه كنت راضيه ابقى واحده متقيدة ومتسلسلة
عشان ارضيك نسيت كل البشر و الناس
بقيت صوره بلا احساس
خساره قلبي كان فاكر خضوعه ليك وفا واخلاص
عشان ارضيك سنين بنكر عليا ظنوني
بكدب فيها حتى عيوني
وباخدع نفسي وبكابر لو كل العيون يلوموني
أنغام ابدعت في “عشان ارضيك” بإحساسها العالي وكعادتها جسدت دور المرأة القوية التي بعدما ضحت وتنازلت كثيراً لأجل حبيبها إلا إنها استفاقت قبل فوات الآوان، وتخلصت من دوامة سيطرته عليها، واستقلت بذاتها وعرفت قيمة ذاتها فارتقت بنفسها وابتعدت عنه!
تلك المرأة التي تجسدها أنغام دوماً في أغنياتها نتمنى أن تسير على نهجها كثير من نساء الوطن العربي المكبوتات!
أنغام امرأة قوية في حياتها الخاصة وكذلك في أغنياتها، مرة لم نجدها ضعيفة أو متهاونة بل دوماً كانت مثالاً للمرأة الناجحة صاحبة الكرامة العالية!
دينا حسين – القاهرة