طرح النجم المصري الكبير عمرو دياب أحدث أغنياته “اللي يمشي يمشي” وذلك عبر تطبيق “أنغامي”.
اقرأ: عروس تحرج عمرو دياب! – فيديو
”اللي يمشي يمشي” من كلمات تامر حسين، لحن مدين، توزيع توما، ميكساج وديجيتال ماستر أمير محروس.
عينى على ناس أمِنتها
إتأذيت مِنها بعدها
نزلوا مِن نظرى
مش حاقول عُذرى
دول عالم عارفه نفسها
قلبى ولا طيبته نِفعته
واللى يوم سِكنُه موته
دُنيا بتعرى
ياما بتورى
كله على قد نيته
اللى يمشى يمشى زى بعضه
يبقى فضىّ سكة للى بعده
فى النداله ناس كتيرة عدوا
دول ماشاء الله
حُب مِين ده كله منفعه
كله بقى عنده أقنعه
مين بقى برىء مين إدعىّ
مين حاتستثناه ؟
اللى حبونا مثلوا
واللى وعودونا كسلوا
يوفوا ب وعودهم
و الله يسعدهم
واللى له طريق يكمله
اللى ملىّ ايده مِننا
إفتكر نفسهُ حلمنا
فِهمهُ على قده
الغرور واخده
لِسه ماعرِفش طبعنا
اللى شاف نفسه وإفترىّ
واللى بيبيعنى فى الدرىّ
واللى مديت له
إيدي وصفيتله
طبعه هو المُشكلة
أرمي ورا ضهرى كُل ده
ايه اللى يجبرنى على كده
ياللا أشوف نفسي
حبة مِن نفسي
فى إختيار أحلى مِن كدة ؟
وتصدر الهضبة بأغنية (اللي يمشي يمشي) تريند مواقع التواصل الاجتماعي في ساعات قليلة.
الأغنية تعد الثانية لعمرو دياب هذا الصيف حيث طرح في عيد الفطر أغنية “هتدلع” والتي حققت نجاحا كبيرًا منذ طرحها.
وكان عمرو دياب تصدر تريند موقع “تويتر” عقب طرح أغنية “هتدلع” من كلمات محمد القاياتي، لحن محمد يحيى، وتوزيع أحمد ابراهيم.
الفنان عمرو دياب كان أعلن منذ عدة أشهر عن تعاونه مع تطبيق “أنغامي”، حيث أصبح أول مطرب عربي يطرح انتاجاته الفنية حصريًا عبر التطبيق في خطوة فريدة من نوعها.