هاجمت الفنانة المصرية داليا مصطفى عددًا من زملائها وزميلاتها الذين برأيها يخسرون الكثير من ثقة واحترام الجمهور لهم عندما يجرون المقابلات ويطلقون آراءً تستفز البعض أو تقلل من هيبتهم.
كتبت: (مش عارفة أقول إيه وأبدا إزاي بس فعلا فيه بعض الممثلين الزملاء وهما ممكن يكونوا هايلين جدا جدا في شغلهم لكن الأفضل ليهم ولينا إحنا لأننا نصنف علي إن كلنا واحد، إنهم ميتكلموش خالص خالص خالص في أي برنامج لأنهم بيفضحونا فعلا لا ثقافة ولا وعي علي إنهم بيسجلوا مع مذيع ولا صحفي).
تابعت: (والأكبر والأقوى من كده انهم ليهم معجبين كتيييييييير ولأنهم وده اللي مش قادرين يستوعبوه إنهم قدوة قدوة لناس كتير أوي أوي.. وأي كلمة مش مظبوطة أنت أو أنتي بتعتبروها هزار وخفة دم. صراحة هي شئ سخيف وأنت حضرتك بتهدم جيل بأسلوبك الركيك ومعني ركيك مش رقيق يعني أسلوب متواضع في اللغة وعيب علي حضرتك أو حضرتك كفنان يصدر من لسانك مثل هذه الألفاظ لأنك علم وغير كده وكده ارحمونا شكلنا بقي وحش أوي أوي أوي).
أضافت: (اه وعلى فكرة في نجم عظيم عظيم بمعني الكلمة لكنه عمره ما طلع في أي برنامج أو مقابلة عابرة لأنه عارف كويس أوي إنه مش بيعرف يتكلم كويس وعادي يعني الراجل عايش وكلنا بنحبه ونموت ونتصور معاه ارحمونا بقى).
داليا قصدت الزعيم عادل إمام الذي لطالما كان مقلًا في لقاءاته وإطلالاته، لذا استطاع أن يكسب احترام الجميع.
الفنانة المصرية على حق، فأحيانًا يسقط الفنانون الكبار في فخ المقابلات، ويفضحون حياتهم ويفقدون احترام الناس وثقتهم بهم.