اعتذرت الفنانة المصرية فيفي_عبده، لجمهورها في الكويت، لأنها لن تتمكن من زيارتهم حسب ما اعلنت من قبل.
ونشرت فيفي عبده فيديو لها وجهت فيه رسالتها إلى جمهورها في الكويت وقالت: “مساء الخير، بكملكم من مصر أنا كان المفروض أطلع الطيارة دلوقتي أروح الكويت بس أنا آسفة جدا حصل عندي ظروف وبعتذر إني كنت هكون في الكويت النهاردة وإن شاء الله أقولكم الميعاد الجديد”.
تابعت فيفي: “أنا بعتذر جدا عشان الظروف اللي حصلت وبحبكم أوي وعساكم من عواده وإن شاء الله أشوفكم في الكويت مش الميعاد ده الميعاد اللي جاي إن شاء الله بحبكم أوي خمسة مواه”.
كانت الفنانة فيفي عبده حلت ضيفة على برنامج “كلام الناس” مع ياسمين عز، وكشفت خلال اللقاء عن رأيها في الصداقة بين الرجلو المرأة.
وقالت فيفي عبده: “أنا على طول راضية عن الرجالة وبحب الرجالة جدا، أنا أصاحب الرجالة ومصاحبش الستات يغيروا منك ويضيعوكي”.
وتابعت فيفي عبده: “الرجالة يعاملوكي زي أختهم وتلاقي معاهم صدق ومش غيرانين منك ولا متضايقين، أنا بقول دايما الست تخلي بالها من الست اللي زيها”.