منذ 8 سنوات 
رغم الآلام التي تعيشها المطربة اللبنانية ماجدة الرومي على وفاة والدتها السيّدة ماري، إلا أنّها لم تستطع إلا أن تقدم واجب العزاء بالموسيقار ملحم بركات ووجهت على صفحتها الشخصية على التوتير رسالة مبكية ومؤثرة.
وقالت الماجدة: “ابن كفرشيما البار.. مبارح من عزا أمي للعزا فيك ومن دير القرقفي كفرشيما لكنيسة مار بطرس وبولس كفرشيما، قطعت المسافة بضيعتنا الصغيرة وأنا قلبي عم يعصرو الأسى وأنا عم بسمع صوتك طالع من كل شارع روحي.. وصوتك نفسو نفسو يا ملحم يلي فرحني العمر كلو.. مبارح نفسو نفسو ما ترك بعيني دمعة واحدة ابكيها. وهي نفسها نفسها شوارع كفرشيما يا ملحم يلي تمشينا عليها بضيعتنا صغار وزهرتلنا صغار وضحكتلها صغار وهديتنا كل ربيع وكل أمل هيي نفسها نفسها مبارح شفتها خريف حزين مستعد يرمي كل وراقو ويبكي معنا ويكتب معنا ع صفحة تشرين الأول 2016 كلو رايح وج الله بس وحدو اللي باقي”.
وتابعت مادة الرومي بأسى: “شفت الدنيا حزينة عليك مثلنا وبتحبك مثلنا ورح تشتقللك مثلنا وتقول لكل جيل جايي بعدنا انك من أعظم الأصوات يلي مرقت على الشرق إنك صوت إذا رق ببكي الحجر وإذا جن بتتحنيله العاصفة وإذا تجلى يتحضر فينا جنات وانك جملة لحنية متفوقة عريقة رح تبقى درس بالأصالة لكل عاشق موسيقى اليوم وكل يوم ولتنتهي الأيام”
وختمت: “أبو مجد يا حبيب اللبنانيين وكل العرب يا ابن كفرشيما البار مهما بعدتنا الأيام رح نرجع نلتقي هيدا ايمانا بالله وحتى نلتقي لنغني لأبد أمجاد الرب بسألك بمحبة طالعة من نص قلبي تقبل مني بهاليوم الحزين كتير تقديري العظيم لفتك الأصيل لصوتك العالمي ولكل يلي كنتو بهالحياة”
يذكر أن ماجدة الرومي وعند سماعها بخبر وفاة الموسيقار تركت لدقائق مكان تقبل التعازي بوالدتها ولجأت إلى الكنيسة القريبة وصلّت على روح ملحم بركات.
)
