نشر محمد عادل إمام صورةً جمعته بكريم محمود عبد العزيز، والذي شاركه بطولة مسلسل (هوجان)، الذي عُرض في رمضان وحقق نجاحًا كبيرًا، وكتب: (أنا اكتر واحد كان نفسي أشوف الزعيم والساحر مع بعض في عمل .. بس أظن مفيش أحلى من كدة الناس أتخضوا ان احنا هنمثل مع بعض واتخضوا أكتر لما شافوا تمثيلنا مع بعض .. أخويا اللي مكسر الدنيا واللي شال مسلسل هوجان على كتفه كريم محمود عبد العزيز).
شكر جمهوره الذي تابع عملهما، وقال: (من أول رمضان وانتوا الحمدلله بتشكروا في هوجان .. دلوقتي انا اللي عاوز أشكركم .. على كلامكم وحبكم وتفاعلكم بالمسلسل .. بجد حسستوني ان هوجان قريبكم او واحد من العيلة، خفتوا عليه لما لعبوا بيه .. صعب عليكم لما أكل من الزبالة .. فرحتوله لما استلم شغل جديد .. احترتوله يحب وردة ولا نور .. قلقتوا عليه لما ضربوه بالنار .. زعلتوا منه اوي لما انحرف .. شجعتوه ينتقم من اللي يتموه .. اطمنتوا لما شال ابنه .. اتبسطوا لما لقى خالته .. عيطوا لما لقى أبوه).
تابع: (عاوز أشكر كل طاقم فريق العمل اللي شاركني رحلة هوجان .. فنانين وفنيين وعمال ومساعدين.. مشوار طويل مليان تعب ومجهود وضحك وقلق وحب .. شكرًا على الأيام الجميلة دي .. النجاح ده بتاعكم انتم .. عمري ما حنساكم).
(هوجان) نال المراكز الأولى بلوائح الـ (Trending)، وكرّس نجومية محمد وكريم، ليصبحا من أهم نجوم جيلهما، بعدما أثبتا موهبتيهما، وواجها اتهامات البعض الذين نسبوا نجاحاتهما لكونهما نجلي القديرين عادل امام ومحمود عبد العزيز، لا لقدراتهما التمثيلية الجيدة.
عبدالله بعلبكي – بيروت
