روى الفنان المصري محمد جمعة، تفاصيل معاناته وزوجته لأجل انجاب طفلهما الأول.
قال جمعة في تصريحات تلفزيونية:
“قعدت أنا ومراتي 5 سنين مانخلفش وكان الحل إن احنا نعمل حقن مجهري والكلام ده كان في 2015 وكانت حالتي المادية على الله والمشكلة بقى إن كان لازم مراتي تاخد كل يوم حقنتين تثبيت حمل وكان تمنهم في اليوم الواحد 250 ج فضلت أدفع 250 ج يومياً لمدة 6 شهور تقريباً”.
تابعت:
“الحمد لله ربنا كان بيبعت، بس في يوم فجأة خلصت الفلوس ومفيش غير حقنة واحدة بس وأنا مفيش مليم في جيبي وأنا من الناس اللي مابعرفش استلف ولا حتى من أمي وأخواتي ومش متخيل بقى اللحظة اللي كنت حاسس بيها وأنا شايف ابني وحلم حياتي بيضيع قدامي”.
اقرأ: دريد لحام: زواجي من صباح الجزائري غلطة!
اضافت:
“فضلت أعيط عياط هيستيري لأني عاجز على توفير 250 ج عشان اجيب حقنة، مكنش فيه حل قدامي غير إني أتصل بصديق ليا اسمه “حمزة العيلي” ومعرفش ايه اللي خلاني أكلمه وقولتله بص يا حمزة، الوضع 1 2 3 وأنا حرفياً دلوقتي مفيش في جيبي مليم، زعقلي وقالي أنت فين؟ .. تعالالي دلوقتي حالاً، روحت لحمزة وأداني 1500 ج ولحد وقتنا هذا كل ما أشوفه أقوله أنت ليك في عمر ابني وليك في غلاوة عمر”.