علق الفنان المصري محمد_رمضان، على أزمة الممثلين المصريين بيومي فؤاد ومحمد سلام، بعد امتناع الأخير عن المشاركة في مسرحية “زواج اصطناعي” ضمن فعاليات موسم الرياض، واعتراض بيومي على ما فعله سلام ومهاجمته له عبر كلمة ألقاها على المسرح.
قال رمضان في تعليقه على ما حدث من هجوم عبر السوشيال ميديا على بيومي وسلام: “رأس مال أي فنان في الدنيا الناس، بندعي من كل حبايبنا إن ربنا يحبب فينا الناس والجمهور، فشيء قاسي جدا أن أكثر حد عاوز تسعده وتنال رضاه يكون قاسي عليك بالكلام، كلامي عن زمايلي وأخواتي، كلامي عن زمايلي حبايبي الاثنين محمد سلام وبيومي فؤاد”.
وأضاف رمضان: “لا محمد سلام غلط ولا بيومي فؤاد غلط، حتى لو زلة لسان حصلت ده يخلينا نقول اللهم لا تؤاخذنا إن ناسينا أو أخطأنا ربنا بيسامح، فعملوا إيه الاتنين عشان نكون قاسيين عليهم كدا، بسمع إشاعات سلام مش هيشتغل الجمهور ولا احنا هنسمح بده، إحنا في ضهر أى فنان بنحبه”.
كان الفنان المصري محمد بيومي، دافع عن زميله الفنان محمد أنور بعد قبوله المشاركة في مسرحية (زواج اصطناعي) للعرض في موسم الرياض، بعد اعتذار الممثل محمد سلام عن المشاركة بسبب تضامنه مع ما يحدث في غزة.
قال بيومي على المسرح في السعودية:
(أنا ليا الشرف إني في الممكله العربية السعودية، علشان نقدم الفن بتاعنا، وبكون سعيد لما شخص سعودي بييجي يتصور معايا، ومن حق أن أي حد يعتذر عن أي عمل فني، ولكن مش من حق حد أنه يهين الفن المصري، إحنا مش بنيجي علشان نضحك الناس، إحنا بنيجي علشان نقدم فن، ولو الموضوع كده يبقى المفروض الفنانين من نجيب الريحاني لـ محمد أنور المفروض ينتحروا، واحنا تعرضنا لإنتقادات ولكن إحنا والله مش بتوع فلوس).
مسرحية زواج اصطناعي بطولة مي عزالدين، بيومي فؤاد، محمد أنور، مصطفى غريب، وآخرين، وتعرض ضمن فعاليات موسم الرياض.
