اعلنت المذيعة المصرية آية عبد الرحمن التي تعمل بقناة Extra news، إصابتها بفيروس كورونا، وطلبت من محبيها الدعاء لها بالشفاء العاجل.
كتبت آية عبر صفحتها: (الحمدلله تم التأكد من إصابتي بفيروس كورونا، ببلغكم الخبر ده علشان أولا محتاجه دعواتكم الصادقة اللي من القلب .. وثانيًا واثقة إن ربنا هيرزقني الشفاء قريب جدًا بفضل محبتكم ودعواتكم العظيمة .. وهارجع أحكي لكم على تجربتي مع الكورونا باشا).
كانت آية عبد الرحمن حثت المواطنين، على العمل على تغيير بعض العادات التي يقومون بها في فصل الصيف، وخصوصاً في ظل انتشار وباء فيروس كوفيد 19 والمعروف بفيروس كورونا.
وقالت عبد الرحمن، في برنامجها (الحقيقة)، عبر شاشة (إكسترا نيوز): (فصل الصيف خلاص بيهل علينا و مرتبط بالاجازات والمصايف والخروجات والفسح ومش في مصر بس في العالم كله، وكلنا نحب العادات اللي اتعودنا عليها، فصل الصيف السنة دي مختلف، والعالم كله يعيد النظر في العادات دي، واحنا كمان محتاجين نعيد التفكير في عادات التجمعات والمصايف في ظل وباء كورونا المستجد العالم كله ماشي في عودتة الحياة وهذا لا يعني أن المرض انتهى وايتكسف ويستخبي، وأيه اللي ممكن نغيره من العادات دي).