توجه الفنان المصري مصطفى قمر، إلى المملكة العربية السعودية، وأدى مناسك العمرة، ولم ينس أن يخبر جمهوره بتلك الخطوة التي اعتبرها من أهم خطوات حياته.
نشر قمر صورته داخل الروضة الشريفة، وعلق قائلاً: (بصوا بقي سيبوكوا من الشغل والفن شوية انا عايز اقولكوا حاجة اجمل. لا مش اجمل دي اجمل حاجة في الدنيا اللي هي انك تعمل عمرة او تحج لبيت الله انا عندي حاجات كتير حاحكيلكوا عنها البوست الجاي اما دلوقتي بقي فربنا يوعدكوا زيي بزيارة المسجد النبوي ويحصلكوا نفحة زي اللي حصلتلي).
تابع: (انا كنت خلاص مش حادخل الروضة من الزحمة لغاية ماشاورلي شاب مصري جميل اسمه حسام العمدة مهندس اثار واخلاق عالية شاورلي انا والظابط ووسع مكان ضيق جنبه قعدت لغاية الفجر وصليت الفجر وربني كرمني كمان وصليت الشروووق مش حاوصفلكوا لما ربنا ياذن وسيدنا محمد يدعوك علشان تصلي في الجنة قوللي احساسك بقي ساعتها ايه قال رسول الله صلي الله عليه وسلم مابين بيتي ومنبري روضة من رياض الجنة. الله اكبر ربنا يوعدكوا صلوا بقي علي سيدنا محمد).
