مطربة أراب أيدول تروي

معاناتها مع الحمل! –

بالصورة

أعلنت المطربة المصرية الشابة إيناس عز الدين، أنها تعاني من مشاكل صحية بالغة، بعد حملها بمولودها الأول، وقد يضطر الأطباء لإجهاض الجنين حفاظاً على حياتها.

روت إيناس عز الدين مطربة برنامج (أراب أيدول)، تفاصيل ما يحدث معها فقالت: (انا في ابتلاء شديد اوي بس ربنا قادر يقومني منه وارجع تاني اقف على رجلي
ناس كتير عارفين اني من زمان عندي مشاكل مش بتخلص في القولون واني عايشة على علاج معين بقالي سنتين علشان اكل واشرب بدون نزيف وكتير منكم عارفين اني كنت حامل من اربع سنين في نهاية الشهر الثالث في تؤام و وقعت على السلم وقعة شديدة ونبضهم توقف و أُجهضت ومن بعدها جتلي فوبيا الحمل ولمدة اربع سنين وقفت حمل من الخوف وكنت رافضة احمل تماماً).

تابعت: (ربنا اراد ان يحصل حمل و قررت اسيبه واتخطى حاجز الخوف بس للاسف انا عندي قرحة مزمنة في القولون وبنزف من وقت للتاني ومن بعد الحمل جسمي لم يتحمل الحمل واعراضه خاصة اني وقفت علاج القولون بقالي اكتر من شهر علشان فيه خطورة منه على الجنين وللاسف توقف العلاج ضرني جدا وعندي نزيف قولون وبنزف من الشرج وبرجع كل اللي باكله دم وبقالي اسبوع في المستشفى عايشة على المحاليل فقط لأن القولون مش متحمل اكل او شرب والحمل زود الوضع سوء جدا وحالتي لن تحتمل الحمل وعدم اخذ العلاج اللازم والوضع بقى خطر على حياتي وللاسف الدكاترة اجمعوا انهم لازم يعملوا اللازم علشان يحافظوا على حياتي حتى لو على حساب الجنين هعمل منظار شرجي وبيبقى ببنج نصفي وهاخد ادوية خطر جدا على الجنين وبنسبة ٨٠٪‏ هيتم الاجهاض لان الدكاترة اجمعوا ان فيه خطورة على حياتي واني لو قررت الابقاء على الجنين وعدم اخذ العلاج اللازم انا مش هتحمل لحد ما الجنين ييجي الدنيا بسبب النزيف).

هشام أحمد – القاهرة