وجهت الفنانة المصرية منة فضالي، رسالة دعم إلى المذيعة المصرية ريهام سعيد، بعد اصابتها ببكتيريا الوجه، وتوقفها عن تقديم حلقات جديدة من برنامجها (صبايا الخير)، الذي يعرض عبر شاشة (الحياة).
جاء في رسالة منة لريهام:
(مرضتش أكتب كلام زي الباقي، لأني كل يوم بسمع كلام شكل، فاللي حقولو دلوقتي يخص ريهام، هي من أطيب خلق الله وجدعة وطول عمرها من قبل ما أعرفها عارفة إنها بـ 100 راجل، إذًا ربنا ابتلاكي يبقي بيحبك وبيحبك أوي وبكره ترجعي أحسن وأحسن من الأول، مهما كان اللي عندك ربنا كبير يا حبيبتي وأنتي ست الناس بجد مش مجاملة، أنا فعلا بحبك وبحترمك وربنا يبعد عنك أي حاجه وحشة).
كما وجها فضالي رسالة إلى المشككين في مرض ريهام سعيد، ومن نشروا شائعات مغلوطة عن مرضها، وقالت: (أما بخصوص الكلام الكتير اللي ملوش لازمة، مش حرام عليكم تكتبوا أي حاجة من غير ما تتأكدوا، هي ريهام دي ملهاش أهل لما يشوفوا كل يوم خبر أوحش من اللي قبله مش ممكن حد من أهلها يتعب علشان كلام كذب).
اختتمت كلامها: (أرجوكم طول عمري بقول ارحموا الناس اللي عنده كلمة حلوة نقولها ونتأكد قبل ما نكتب أي حاجة، مش عيب بالعكس ده احترام و تقدير، أنا لما دخلت عمليات قالوا كتير ميعرفوش اني كنت بموت وهما فاكرين بعمل عمليات تجميل، أرجوكم ارحمونا مش علشان إحنا فنانين أو إعلاميين نكون مش بشر أو معندناش دم و احساس بالعكس إحنا عندنا أكتر من اَي حد، اتمنولها ترجع بالسلامة وراعو مشاعر الآخرين وأسفه لو كلامي فيه غلط بس نفسي تحبونا زي ما بنحبكم).
