حكت الممثلة المصرية إيمان السيد عن موقف إنساني للفنانة المصرية ياسمين_عبد_العزيز، في الفترة التي اصيبت بها بفيروس كورونا في شهر_رمضان الماضي.
كتبت إيمان عبر صفحتها:
(ياسمين لما جاتلها كورونا في رمضان وكنت بكلمها وكانت صايمة، قلت لها انتي تعبانة وبتاخدي علاج وإن الله يحب أن تؤتى رخصه، وانتي محتاجة تاكلي كويس عشان جسمك يقدر يقاوم الفيروس، وبرضوا كانت مترددة أنها تفطر).
وأضافت: (وقلت لها كمان إنها لازم تغير كيس المخدة كل يوم عشان الحِمل الفيروسي، فقالت لي مش قادرة والله أعمل كدا من التعب، قلت لها طيب ينفع حد يساعدك، قالت لي لا حرام ما ارضاش ادخل حد من الناس عندي في البيت الأوضة عشان ماحدش يتعِدِي).
تابعت :(دا مش غريب على ياسمين، أنا دخلت بيتها وشوفتها بتعامل الناس اللي معاها ازاي لإنها بنت أصول).
واختتمت: (ربنا يتم شفائها على خير ويجعل تعبها في ميزان حسناتها ويجعل دعا الناس ليها من نصيبها وترجع بيتها بألف سلامة يارب، ويشفيها ويشفي كل مريض).
النجمة المصرية ياسمين عبد العزيز دخلت الى المستشفى وأجرت عملية جراحية صعبة ودقيقة، ولم يعلن المقربون منها لا نوعها ولا مدى خطورتها على صحتها، بناءً لطلبها الشخصي، لكن بعض التسريبات تحدثت عن ورم في البويضات.
زوجها قال إنه بات ضعيفًا جدًا خوفًا من خسارتها وطلب منها العودة اليه والتغلب على كل شيء لأجله.
اقرأ: ياسمين عبد العزيز تخضع لعملية مفاجئة وزوجها: أنا أضعف إنسان!
بينما صديقها المقرب أحمد_حلمي طلب من جمهورها الدعاء لها حتى تتخطى العملية الصعبة على خير.
اقرأ: ياسمين عبد العزيز تجري عملية دقيقة وصعبة – صورة
النجمة المصرية منى_زكي التي تجمعها علاقة صداقة قوية وأخوية مع ياسمين، أقلقت جمهورها حول صحتها، ونشرت صورة لها وكتبت:
(يا رب بحق الأيام الكريمة دي تقومي بالسلامة يا ياسمين وترجعي لولادك وبيتك.. ادعولها تقوم بالسلامة يا رب).
مصادر مقربة من ياسمين اكدت إنها اصيبت بورم ليفي في الرحم، وخضعت لعملية جراحية لإزالته تحت إشراف الطبيب سامح زكي.
خلال إجراء الجراحة حدث خطأ طبي كبير، سبب لها تسمماً في الدم أدى إلى تدهور حالتها الصحية واستلزم خضوعها لعملية جراحية أخرى، ومن ثم نقلت إلى العناية المركزة.
ورغم انتشار تلك المعلومات إلا أن زوجها الفنان أحمد_العوضي، يلتزم الصمت ويرفض الادلاء بأي تفاصيل عن حالتها الصحية.
اكتفى العوضي بطلب الدعاء لها، موضحاً أن حالتها صعبة وعبر عن قلقه الشديد عليها، معتبراً أنه يمر بأضعف لحظات حياته.
إقرأ: ياسمين عبد العزيز لم تلجأ للتجميل وهذه النتيجة! – فيديو
كتب العوضي عبر صفحته:
(يمكن ببان قدامكم دايما قوي .. لكن الحقيقه انا دلوقتي اضعف انسان علي وجه الارض عشان انا روحي مش معايا … انا ضعيف جدا من غيرك انتي لازم تبقي كويسه ولازم تقومي بالسلامه … انا لاول مره اكتب من غير ما اكون مفكر انا بكتب ايه وهكتب ايه … بس انتي هتقومي ان شاء الله باذن الله عشان انتي وعداني وعد وهتتفذيه … انا عاوزك تبقي كويسه وتقومي عشان اقولك اني لو كنت ببينلك اني بحبك مره فالحقيقي واللي جوايا اني بحبك الف مره).
تابع: (وانا دلوقتي مش قوي زي ما انتي بتشوفيني انا دلوقتي ضعيف ضعيف جدا .. لحد ما تقوميلي تاني عشان زي ما انتي بتاخدي قوتك مني انا كمان باخد قوتي منك …. قومي عشان انا بحبك… بحبك اكتر بكتيير من كل الكلام اللي انا كتبته .. اكتر بكتير من كل اللي عدينا بيه مع بعض من ايام حلوه ومواقف صعبه مرت علينا، اكتر بكتير حتي من الموقف اللي احنا فيه دلوقتي .. انا بحبك .. ادعولها تقوم بالسلامه زي ما انتو دايما بتدعولها بالنجاح والتوفيق .. هي دلوقتي محتاجه دعواتكم).
إقرأ: ياسمين عبد العزيز وضعت المساحيق لمرة نادرة! – صورة
ما كتبه العوضي يوحي بأن ياسمين تمر بأزمة صحية كبيرة، ويبدو أنه يعاني نفسياً ويعيش قلقاً كبيراً عليها.