تعرضت النجمة المصرية ميرهان حسين لوعكة صحية نُقلت على أثرها إلى المستشفى لإجراء الفحوصات اللازمة لها.
نشرت نجمة برنامج (ستار أكاديمي) صوراً لها خلال تواجدها في المستشفى، عبر حسابها على موقع الـ Instagram.
وعلّقت بطلة مسلسل (آدم وجميلة) قائلة: “أولا الحمدلله على كل شئ…ثانيا انا عايزه اقول إن الصور أو الفيديوهات اللى فيها مظاهر سعادة مش معناها إن الحياة كلها ضحك و فرح.. ومش معنى إن السوشيال ميديا وسيلة تواصل بين الناس إن إللى بيتعرض فيها هو كل جوانب حياة أى حد ده جزء بسيط منها وانا شخصيا كنت بختار أعرض جوانب إيجابية من حياتى و لقطات فرح ما هى إلا مجرد جزء من أيامى زى أى إنسان بيعدى عليه وقت حلو ووقت وحش ..فرح و حزن و مشاكل .. مرض و يأس و نجاح.. محدش مبسوط علطول ولا حد حزين علطول”.
تابعت الفنانة ميرهان حسين قائلة: “و للناس إللى بتشوف الأمور بسطحية بقول كلنا بشر بنعيش بمش اكلنا و بنتعايش وساعات كتير الضحكة بتخبى دمعة و المظاهر خداعة”.
من جهة أخرى تستأنف ميرهان تصوير مسلسلها الذي يحمل عنوان (فوبيا) بعد عودتها مباشرة من الإمارات ويضم ألمع نجوم الدراما من بينهم آيتن عامر، وليد فواز، أحمد صفوت، محسن منصور، ميرهان حسين، أحمد فؤاد سليم، لطفى لبيب، وهبة عبد العزيز.
ياسمين أحمد – القاهرة