من جديد عادت الفنانة المصرية ميرهان_حسين لتنشر فيديو أثناء تأديتها مناسك العمرة، وذلك بعدما نشرت منذ يومين صورتها داخل الحرم المكي.
ميرهان علقت على الفيديو طالبة من الجمهور عدم الحكم عليها، فكتبت: (جمعة مباركة عليكم، يارب اكتبهالي تاني أعوام عديدة وأزمنة مديدة واكتبها لكل من اشتاق إليها واكتبها لكل حبايبي ولكل اللي بيتمناها).
تابعت: (وقبل ماتقولوا يا طاهرة يا شريفة أنا بقول أنا بشر والبشر خطاؤون وخير الخطاؤون التوابون وربنا قال إلا من أتى الله بقلب سليم ربنا هو العالم بقلبي ونفسي وأعمالي ما ظهر منها وما بطن وهو اللي هيحاسبني … اللهم تقبل مني).
كانت ميرهان علقت على صورتها داخل الحرم المكي منذ يومين وكتبت:
(مع ان الصورة دي من احب صوري لقلبي .. اترددت انزلها.. أولًا خفت ان دا يأثر على ثواب حاجة بيني وبين رب العالمين ثانيًا عارفة ان في ناس سطحية كتييير هايكتبوا كومنتات كلها ايه يا طاهرة ايه يا ست الشيخة و يعملوا فيها انهم مابيغلطوش ابدا و جايين يحكموا على ناس زيهم احكام هبلة و خلاص و هما مايعرفوش اللي بينك و بين ربنا ولا عمرهم هايعرفوه .. بس قولت لأ مش هامشي ورا الفكر دا و هانزل صورتي اللي بحبها عشان فيها ذكرى وجودي في اطهر بقاع الأرض و انا ضيفة في بيت الله الحرام و بحتفل فيها بنعمة من اكبر النعم هي نعمة إن ليا رب عظيم اسمه الكريم اللي ممكن اطلب منه اي شئ ومفيش حاجة كبيرة عليه إنما أمره إذا اراد شيئا ان يقول له كن فايكون).
اقرأ: ميريهان حسين تقلد إليسا – فيديو
تابعت: (نعمة وجود ربنا فحياتنا اكبر من كل النعم انا حقيقي معرفش ازاي في ناس بتلحد و تنكر وجود ربنا و العياذ بالله وفي منهم اصحاب ليا و ناس بقابلهم و مع حبي ليهم بس بقولهم فايتكو اعظم حاجة في الوجود ان يبقا ليك رب قادر على تحقيق كل اللي يتمناه قلبك و يسرح فيه خيالك رب اكبر من كل كبير هو الأمان في الدنيا دي و كل من عليها فان).
تعيش ميرهان حسين، حالة نجاح كبيرة بالتزامن مع عرض مسلسلها الجديد “نقل عام”، من بطولة الفنان الكبير محمود حميدة، والذى يعرض حاليا على قناة ON.
مسلسل “نقل عام” بطولة محمود حميده، سوسن_بدر، سميحة أيوب، أحمد بدير، دينا، ميرهان حسين، محمد محمود عبد العزيز، تأليف وليد خيرى، وإخراج عادل أديب.
https://www.instagram.com/tv/CbPg-kZKjlj/?utm_medium=copy_link