روت الفنانة المصرية هالة_صدقي، تفاصيل عن أول قصة حب في حياتها ولماذا لم تنته نهاية سعيدة وتكلل بالزواج، موضحة إنها وقعت بغرام رجل من ديانة مختلفة عنها.
اقرأ: هالة صدقي: ارفض دخول أولادي الفن
قالت هالة صدقي خلال لقائها مع المذيع عمرو_أديب، في برنامج “بيج تايم بودكاست” المذاع عبر قناة MBC: “أول قصة حب كان شاب معايا في النادي، كانت قصة حلوة وأنا كنت صغيرة وجيه اتقدملي لكن طبعا منفعش لاختلاف الديانة”.
تابعت: “حبيته لكن كان صعب المجتمع بتاعنا أنا وهو مكنش ينفع، كان بيجي يعدي تحت العمارة ويقف وأنا قاعدة في البلكونة بذاكر عشان يشوفني، هو كان رياضي وأنا رياضية وكان الفرق بتقعد مع بعض في النادي واتعرفنا”.
إقرأ: أمل بوشوشة مع طفلتها ولم تفعل مثل العربيات!
كما تذكرت هالة صدقي حكاية أخرى عن حبيب مجهول قائلة: “كنت وقت الامتحانات أصحى أقعد أذاكر الصبح بدري في البلكونة، وكان في عمارات جنبي ألاقي نور البلكونة مفتوح ناس تانية بتذاكر، وكان في راجل كبير في الدور الرابع قاعد هو كمان، كان بيجيلي جوابات غرامية بيحطها في البوسطة وأنا مش عارفة من مين، كلها ليه بتصحي بدري أوي كده الدنيا برد عليكي، بعدها اكتشفت أنه ده جد صاحبتي اللي بيبقى قاعد في البلكونة، وبعدها مات جاله نزلة برد لأنه كان بيقعد الصبح بدري في البلكونة”.
