منذ 6 سنوات هاجم المنتج المصري ومنظم الحفلات الشهير وليد منصور، الممثل محمد رمضان، بسبب ادعاءاته بأنه يحتل المركز الأول في سباق إيرادات عيد الأضحى المبارك.
وخرج وليد منصور منتج فيلم (البدلة) لتامر حسني، عن شعوره، بسبب أفعال محمد رمضان، فكتب عبر صفحته: (رساله موجهة مني أنا المنتج وليد منصور إلى شخص مجنون يدعى محمد مرضان، وصلني أنك بتبعث برسائل من تليفونك الشخصي تتهمني فيها بتغيير أرقام الإيرادات. مكنش نفسي أرد على شخص زيك رمز للإسفاف علشان مخرج العمل ومنتجه أصدقاء محترمين بس انت زودتها قوي يا حماده . اولاً انت اسمك لازم كل مصر تغيره ل محمد مرضان لإنك بتفكرني بالمجانين اللي ماشين في الشارع ومش عايزين يصدقوا انهم مجانين فإرتاح يا حماده محدش عاقل هيصدقك عمرك ما كنت رقم ١ في الإيراد).
تابع وليد منصور وقال: (عمرك ما كنت أحد نجوم الصف الأول وإنت عارف إن السبب هو فنك الهابط يا مريض للأسف متعرفش تعمل غير دور المدمن أو البلطجي او ارهابي او حرامي انا كان نفسي متكلمش عنك لإنك أصلاً بالنسبالي وبالنسبه لكل الشعب الراقي المحترم اكذوبه وانت عارف كويس ان أفلامك طول عمرها بتفشل قدام النجوم المحترمه زي السقا وعز وتامر وأستاذ عادل امام نصيحه يا مرضان روح أتمرن تمثيل بدال مانت أداءك واحد في كل أدوارك يابني انت طبعاً انت هتموت عشان مش عارف تشتري ڤيوز زي أغانيك الهابطه فمفضوح اوي قدام الغلابه اللي مصدقينك اللي بينقرضوا واحد ورا التاني يا ولا قسماً بالله لو لقيتك بتهرتل على اي حد تاني هيكون ردي اعنف من كده واصلاً انا لسه مخلصتش ردي انت هتموت من الغيظ عشان البدله ولسه هنعلم اكتر وانت عارف هتتمسخر ازاي الفتره اللي جايه زي مااتمسخرت فكل أفلامك اللي فاتت).
جاء رد وليد منصور، بسبب محاولات محمد رمضان، الإدعاء بأن فيلمه السينمائي (الديزل)، يحقق أعلى نسبة إيرادات في عيد الأضحى، في حين أن وليد منصور يؤكد أن فيلمه (البدلة) هو الذي يتصدر المشهد ويحقق أعلى نسبة إيرادات في الموسم.
وكنا وقعنا في الخطأ عينه لأن المعلومات تضاربت بين رسائل خفية وأرقام غير مرئية وضاعت الطاسة.
ياسمين أحمد – القاهرة
)
