حقق الفنان المصري ياسر_جلال نجاحاً كبيراً في الموسم الرمضاني الماضي، بتجسيده شخصية عبد_الفتاح_السيسي رئيس جمهورية مصر العربية، عبر مسلسل (الاختيار ٣).
اجاد ياسر تقليد نبرة صوت السيسي، مما جعل البعض يظن إنه استخدم الدوبلاج في مشاهده.
“إن الوصول لطبقة الصوت كان أصعب شيء، عملت حاجة في أداء الشخصية، إن أنا المشاهد كنت بسجلها صوت بقول كلامي وكلام اللي قدامي واقعد اسمعها وأنا رايح التصوير، جيت يوم التصوير واقف وأنا بعمل بروفا، وأنا بعمل الشخصية دي كنت ببقى خايف جدا أعمل حاجة فتطلع غلط يعني متعجبش المخرج، يعني كنت بتعامل معاها بحذر شديد، عايز اجيب تون الصوت يعني أنا اتدربت عليه”،
أضاف: “وأنا بعمل بروفا قولت البروفا بتون الصوت، فبدأت امثل وقولت: (لازم تبقوا عارفين إن بلدنا بتمر بظروف استثنائية.. صحيح)، أول ما قولت ده لقيت أستاذ حسين عصر مدير التصوير ودكتور بيتر ميمي اتفاجئوا فخدت الثقة إني أكمل بالصوت ده، وأنا قصدت أقول التجربة دي علشان فيه ناس كتير بتقول إن ده مش صوتي وإن ده دوبلاچ، ده كلام مبيحصلش، الناس لو فاكرة دوبلاچ، دوبلاچ مين؟ دي حاجة متنفعش في شغلنا”.