أطلت الفنانة المصرية يسرا، عبر برنامج (علمتني الدنيا)، الذي يعرض عبر شاشة (MBC)، واعلنت لأول مرة أنها عانت في مرحلة من حياتها، بسبب شكوك الأطباء حول اصابتها بمرض سرطان الدم.
البعض اساء فهم ما قالته يسرا، واعتقدوا إنها اصيبت بالفعل بالسرطان، لكنها طمأنت جمهورها في تصريحات لموقع اليوم السابع قائلة:
(مساء الخير على كل الناس الحلوة الطيبة اللى بتسأل عليا وخايفة عليا، ربنا يخليكم يارب ليا بس عايزة أطمنكم، أنا لما كنت بتكلم فى برنامج “علمتنى الدنيا”، كنت بقول كانوا شاكين إن عندى لوكميا “سرطان الدم”، من فترة طويلة وقعدت فى الشك ده 3 شهور، وأنا الحمد لله بخير كويسة ماعنديش حاجة ربنا سترها وطلع التشخيص غلط، والكلام ده كان من 15 سنة).
تابعت: (بقول لجمهورى الحبيب الغالى بشكركم جدا على دعاكم وبشكركم جدا على خوفكم عليا، وعاجزة عن الشكر، ومهما هقول ما أقدرش أوفى الحب الكبير ده، ربنا يخليكم ليا، وبشكركم أوى أوى أوى، والله العظيم أنا ربنا مدينى الخير والصحة، الحمد لله أنا كويسة جدا جدا على الخوف، عايزاكم دايما تدعولى، لأن بحتاج الدعاء على طول، وربنا يحفظكم انتوا كمان من كل شر).
