ضجت مواقع التواصل الاجتماعي أمس، بصورة للفنان المصري أحمد_سعد، أثناء تشاجره مع شاب داخل محطة وقود، بينما يقوم آخران بتهدئته.
اقرأ: أحمد سعد يعلن طلاقه من سمية الخشاب – وثيقة
اقرأ: سمية خشاب خلعته: مسكين أحمد سعد – خاص
روت فتاة شاهدة على الحادث ما حصل وقالت:
(النهاردة كنت في بنزينة إمارات مصر، جنب داون تاون في القاهرة الجديدة، وشُفت شاب صغير في العشرينات كان معدّي من ورا عربية BMW بيضة، والعربية كانت بترجع بسرعة وكانت هاتخبط الولد، فالولد كرد فعل طبيعي قاله: خلي بالك وانت راجع يا حبيبي).
وأضافت الفتاة باعتبارها شاهدة عيان: (اتضح إن اللي كان راكب العربية الفنان … أحمد سعد راح عليه وقاله «بتكلم مين كدة يلا؟» فالولد رد عليه قاله «يلا؟ بكلمك إنت» وطبعاً الكلام مجاش على هوا ولا على كرامة أحمد سعد اللي ضرب الولد بالقلم قدام أمه وأخته، والناس كلها في البنزينة ووقعه عالأرض قدام عربيتي بالظبط وقطعله التيشيرت، وكرد فعل طبيعي مني أنا وأختي حاولنا نوقفه بالكلام فردّ علينا بشتايم قذرة جدًا وابتسملنا ومشي بالعربية).
واختتمت كلامها قائلة: (الموقف ده بينلي قد إيه إحنا بندي قيمة لأشخاص ماتستاهلش وبنسيبهم يعيشوا وسطينا عادي جدًا).
وكتبت الفتاة، في التحديث الجديد لمنشورها حول واقعة أحمد سعد: (تحديث: الشاب اللي البلطجي اعتدى عليه كلمنا وعرفنا منه إنه رجعله واعتذرله إنه «ضربه» والموضوع خلص.. بس بالنسبالي الموضوع ماخلصش وأنا بحكي موقف شُفته وتم التعرض عليا أنا واختي فيه بالشتيمة، فالبوست هيفضل موجود لحد ما البلطجي ده ياخد عقابه).
حتى الآن لم يعلق أحمد_سعد على تلك الواقعة ويلتزم الصمت نهائياً.
