أحيت إبنة الفنان الراحل نور الشريف مي ذكرى ميلاد والدها الذي رحل منذ أربع سنوات، بعد صراعه الطويل مع المرض، ونشرت مجموعة من الصور جمعتها به وكتبت: (واحشني جداً جداً جداً.. نفسي أقعد في حضنك وأحكيلك حاجات كتيرة وآخد بنصيحتك عيدك في الجنة يا حبيبي الفاتحة).
سارة شاركت شقيقتها حزنها بسبب غياب والدهما، وكتبت له: (بابي حبيبي، كل سنة وإنت طيب ومتهني في الجنة. كل سنة وإنت روحك مرضية. كل سنة وإنت حي في قلبي. كل سنة وإنت حبيبي ولحد آخر لحظة في عمري وإنت حبيبي. ما بيعيديش يوم إلا وأنا بفكر فيك. لما بشوف فيلم حلو ببقى عايزة أقولك عليه عشان تشوفه ونتكلم فيه. لما أسمع موسيقى حلوة، لما بعمل أي حاجة، ببقى عايزاك تشوفها وتعرفها وأعرف رأيك فيها، إنت واحشني قوي. وبحبك قوي قوي. ورغم إنك مش موجود معانا، حبك بيكبر في قلبي كل يوم رغم الغياب.عارف يا بابي أنا بقيت أطبخ. وطبعا إنت عارف إني ماكنتش بعرف أعمل حاجة. كل ما بعمل أكلة وتطلع حلوة، دايما بتمنى إنك تكون لسه موجود معانا عشان تدوقها).
كانت مي خاضت تجربة التمثيل للمرة الأولى مع والدها من خلال مسلسل (الدالي) الذي عُرض العام 2007.
عبدالله بعلبكي – بيروت
