دافع ايلي باسيل عن الفنانة اللبنانية إليسا، بعد الهجوم الذي شنه بعض الحاقدين عليها على مواقع التواصل الاجتماعي، بعد صورتها مع الفنان فارس كرم، وقال أنه لايمارس التنمر على خلق الله.
ونشر باسيل، صورة اليسا وكرم وعلق: (تعليقات بعض الناس على الشكل اللي ظاهر فيه جسم #اليسا بصورتها مع فارس كرم وبعض الناس للمرّة المليون صاروا بعتينلي ياها لحتى إنشرها عندي نشر سلبي، بس وأسفاااااه (مع الهاء) كلمتين عالماشي رح قولن وباختصار توتال كالعادة، حسابي مش للتنمّر على العالم وأشكالها! كلّ واحد يشوف شكله بالأوّل! حسابي هوّي فقط لممارسة مهنتي الأولى والأخيرة #ألا_وهي الصحافة الحرّة على قدّ ما فيني من مهنيّة واحترافية ومصداقية وشفافية مع شويّة فرفشة).
وهاجم المتنمرين قائلًا: (التنمّر من ورا التليفون للأسف هيدا جبن بحياتي ما برعت فيه!!صحيح فيه كتير قصص مش ظابطة معنا بالمرّة بيناتنا أنا و#اليسا، إلّا إنّو في طريقة تفكير (ومكتبي دايمًا كان يْشِرْلي لهالموضوع) منشبه فيها بعض أنا وياها، ألا وهي منعمل اللي بدنا ياه، منلبس اللي بدنا ياه والأهمّ مناكل اللي بدنا ياه بلا ما تفرق معنا العالم وحكيها، لأن هالقدّ متصالحين مع حالنا وهالقدّ ثقتنا بنفسنا كبيرة وهالقدّ منشوف حالنا طيبين ومرغوبين إن كنّا ضعاف ولّا مْلَظْلَظين ولّا حتى ناصحين).
وتابع: (المهمّ على شغلنا ما حدا يقرِّب!! ويا ريت الكلّ يصير يفكّر متلنا!! صدقوني رح كتير ترتاحوا جسدًا وروحًا، وبجسدكن الحرّ، بتوصلوا للفكر الحرّ وبتصيروا حقيقةً حرّين)
سليمان البرناوي-الجزائر
