أطلت الفنانة المصرية إيناس عز الدين، عبر مقطع فيديو نشرته خلال تواجدها داخل مستشفى الحجر الصحي، بعدما نقلت إلى هناك بالأمس، بعدما اشتدت عليها اعراض الاصابة بفيروس كورونا.
اقرأ: الكورونا اشتدت على إيناس عز الدين ونقلت إلى المستشفى
قالت إيناس في الفيديو: (عندي رضا تام بكل اللي هيجيبوا ربنا بحب اطمنكم انا لساني عاجز عن الكلام بعد ما شفت رسائلكم ليا ساعات ربنا بيعرضنا لأزمة عشان يبين إن فى ناس بتحب الخير لبعض وتدعي لبعض بنيه صافية).
تابعت: (مفيش حد يحب يتشهر ويطلع بالمنظر ده ويدعي علي نفسه إصابته بفيروس معدي ويخلي الناس تخاف تتعامل معاه، وسعيدة بإبتلاء الله لأنن تخليص من الذنوب في الدنيا ومش خائفة ومتأكدة مني اني هعبر المحنة دي).
كما نشرت صورة أخرى من داخل المستشفى وقالت: (يدوب مسألة وقت و شكة دبوس و نوم متواصل و راحة في غرفة و ابعد و افصل شوية عن بعض النفوس من الناس السيئة و استمتع بمشاعر الخوف والتفاؤل والحب اللي حواليا من كل الناس دي واهو كله بيعدي الحلو بيعدي و الوحش كمان بيعدي وياما دقت على الراس طبول كام موقف عدى علينا وقولنا مش هنعدي منه و عدينا وكام يوم مر علينا كنا فاكرينه نهاية الحياة وطلع يدوب البداية وكام ذكرى سيئة كنا فاكرين الدنيا هتقف عندها و اهي مشيت و دلوقتي بنفتكرها و بنضحك عليها صدقوني كله بيعدي).