خلال لقاء تلفزيوني مع الفنان بشار إسماعيل تحدث عن عدم ترشحه لمنصب نقيب الفنانين وعن علاقته بنقيب الفنانين زهير رمضان وقال عن عدم ترشحه لمنصب النقيب: لو أنا رشحت نفسي فلن أحصل على صوت واحد.
وأضاف: “أنا ما عم احكي لاني محافظ على لساني لان كان رح يقطعلي ياه السيد النقيب”!
وتابع إسماعيل: “انا ماعم استرجي اطلع من البيت لأن قال لولا أهلي بدو يحطني بالحبس فأنا بحالة رعب!
وعند سؤاله عن رأيه بقائمة المرشحين لمنصب “النقيب” قال:
“أنا ماعزبت حالي وشفت لان بعرف النتيجة وهي فوز زهير رمضان”
وتابع هاي مو نقابة لو ما فيها استفادة ما كان تمسك فيها زهير رمضان هالقد!
وزهير رمضان كل ماصار شي بيطلع على التلفزيون انا بدي اعمل وانا بدي امنع! شو فرع مخابرات انتَ؟
عم ترعبني إذا حدا وجه نقد الك بتروح بتخلعو بالأمن ليشحطوه!
وقال إسماعيل: زهير رمضان عم يخترق القانون والنقابة مورثو ياها ابوه!
بكرا بنجحو وبقولوا الديمقراطية والديمقراطية بسوريا عبارة عن أكثرية من البغال تحدد مصير أقلية من العباقرة والصادقين!
ربيع القطريب – دمشق
