رفض الفنان المصري تامر عاشور، الاعتذار الذي قدمه له، الفنان المصري حسام حبيب، ورفض التحدث عنه تمامًا بعد خلافهما الأخير.
رد تامر على سؤال عن حسام حبيب، وجهه إليه أحد الصحافيين في المؤتمر الصحافي الخاص بحفله في الإمارات، وقال:
“خلينا في حاجة غير الكلام ده.. واعتذاره مش مقبول”.
بدأت أزمة حبيب وتامر، حينما علق الأخير على أزمة شيرين مع طليقها حسام الذي اتهم أهلها بسرقتها وخداعها، ودافع حينها عاشور عن أسرة شيرين وقال:
«كل اللي أقدر أقوله في موضوع شيرين عبدالوهاب، أن مفيش كلمة واحدة بس من اللي اتقالت وانتشرت صح، أنا قريب من أهل شيرين ووالدتها وأخوها، أنا برضه أقولها إني بحبها وكل الدنيا بتحبها وتحب فنها، أهل شيرين مظهروش في حياتها آخر سنتين تلاتة أهل شيرين هم أهل شيرين من زمان كل نجاحات شيرين كانت وسط أهلها وناسها اللي يشيلوها من على الأرض شيل».
اقرأ: شقيق شيرين: أنتِ وحسام أقذر قصة عرفتها البشرية!
وتابع عاشور: «يا رب يبعد عنها كل خبيث وأناني وفاشل وممثل، هي أطيب منهم كلهم وهم اللي وقعوها فكل مشاكلها، أنت بمن حولك، لو اللي حواليك فشله غصب عنك لازم تبقى زيهم وتعافر علشان تقدر تمارس اللي كنت بتعمله في عدم وجودهم بمنتهى السهولة».
اضاف:
«أنا كلت عيش وملح في بيتها وفي بيت أمها وأخوها وكان لازم أقول الكلام ده علشان الكلام ده هو الكلام الحقيقي ولا كلمة من اللي اتقالت واتسمعت ليها أساس من الصحة، أهل شيرين هم هم أهل شيرين من زمان أوي، بالعقل».
حرص حسام، على الرد على حديث عاشور، إذ قال في تصريحات سابقة:
«سمعنا ناس غريبة بتدخل في أمور مش أمورها خالص، ومنهم ناس أشباه فنانين، مفيش فنان بيدي حق لنفسه يدخل في حياة غيره، لأن الفنانين بيبقى عندهم إحساس، وتصريحات شيرين خلت شكلهم مش ظريف خالص».
