رد الفنان المصري حسام حبيب، على الاتهامات التي وجهتها له طليقته الفنانة شيرين عبد الوهاب، بأنه سرق أموالها ويستمر في تهديدها وابتزازها بكل الطرق.
قال حسام في تصريحات لبرنامج (ET بالعربي): (أنا حزين من اللي بيحصل ومش عارف أقول إيه للناس طبعا الناس عندها حق تزهق والله ده ما أنا ولا دي شيرين التصرفات دي بريء منها تماما أنا مستغرب اللي بيحصل أكتر منكم ممكن يكون دا حصل عشان خاطر هي بتحاول تتصل بيا بقالها يومين تلاتة وأنا رفضت أرد عليها تماما وقولت المرة دي مش هينفع أسامح زي كل مرة).
تابع: (كل اللي قالت اتهامات شيرين كاذبة يحاسب عليها القانون، الورقة اللي شيرين بتقول بيها إنها حولت ليا مبلغ مالي، مكتوب فيه غرض التحويل لزوج، فأول حاجة كدا هو أنا زوجها، ثانيا حتى لو كنت الزوج وهي بتدلعني بالمبلغ دا إزاي تخرج تقول أني عايز أموتها، يا هي بتكدب لما قالت إننا اطلقنا يا هي بتكدب على البنك وقالت إني زوجها وحولتلي).
اضاف: (شيرين عبدالوهاب دمها بقى تقيل والمرة دي بجد هحبسها، وهي خرجت النهاردة وقالت الكلام دا لأنها عمال تتصل بيا لحد إمبارح بليل عشان نرجع لبعض، وأنا مبردش عليها، عشان أنا رافض نرجع تاني بعد كل اللي حصل آخر مرة لما الأمر وصل للنيابة والحوار كبر، وفي الآخر عشان أنا زهقت عملتلها بلوك).
يأتي هذا، بعد ساعات قليلة من استغاثة شيرين من طليقها حسام حبيب، واعلانها أنه سرقها وتسبب في خسارتها أموال كثيرة على مدار ٤ سنوات ماضية.
قالت شيرين في تصريحاتها الجديدة: (حسام واخد مني عربية رانج روفر موديل 2008، وأخد ساعتين رولكس، وبقاله حوالي 4 سنين هو المسؤول عن الأمور المادية في شغلي، ومفيش يوم حاسبني فيه، أنا معرفش الراجل ده سرقني في قد إيه).
اقرأ: للأسف شيرين عادت لحسام حبيب! – خاص
واستكملت شيرين عبد الوهاب حديثها بكشف تفاصيل السرقة: (كنت ساكنة في شقة فيها خزنتي كسروا الخزنة وطلعوا منها التنازلات، بفتح حاجتي لقيت تلت إرباعها مش موجودة، وحسام بيكلمني بشتيمة وقلة أدب وقالي أنتي بتشككي فينا، رغم إني متهمتوش بأي حاجة، وقلت له دا إهمال مني وأنا لازم أدفع التمن).
ولم تنتهِ القصة عند هذا الحد، بل طالب حسام حبيب شيرين عبد الوهاب بـ سداد مبلغ مالي له قدره 20 ألف دولار، وهو ما يقرب من 984،354،00 جنيهًا، وذلك بسبب إدارته لأعمالها في السنوات الأخيرة، وهنا اضطرت شيرين عبد الوهاب أن توافق على طلبه، وبالفعل حولت له المبلغ، وبررت موقفها بـ: حولت لـ حسام حبيب 20 ألف دولار، لأنه بيقول إنه ساعدني في شغلي.. وهو اللي كان بيعمله كله كان بيطلعني السلم بتاع المسرح.
اقرأ: مصداقية الجرس قبالة مصداقية شيرين!
يأتي هذا بعدما تعرضت شيرين للضرب على يد حسام منذ أسابيع قليلة، وحررت ضده محضرًا انتهى بالتصالح بين الطرفين، ثم عادت إليه واستمرت في تحويل أموالها له، لتعود اليوم وتستفيق مجددًا وتستغيث من شر حسام!
