كانت أعلنت الممثلة المصرية حلا_شيحة عن وفاة علا مسعود شقيقة زوجها الداعية الاسلامي معز مسعود، ولم تتحدث عن أسباب الوفاة وما اذا كان مرضًا أم موتًا طبيعيًا.
وكتبت حلا بحزنٍ: (وبشّر الصبرين الذين اذا اصبتهم مصيبة قالوا ان لله وانا اليه راجعون.. إن العين تدمع، والقلب يحزن، ولا نقول إلا ما يرضى ربنا، وإنا يا عُلا لمحزونون لفراقك يا اطيب قلب وروح مش من العالم ده انتقلت الي جوار الله عُلا مسعود اخت زوجي نسألكم الدعاء)
اقرأ: الموت يدق باب حلا شيحة
وبعد أسبوع على وفاة شقيقة زوجها، وجّهت حلا رسالة مؤثرة لروحها، وقالت إنها تنتظر لحظة وفاتها حتى تلتقي بها في الجنة.
وكتبت: (زي الجمعة دي الجمعة اللي فاتت كنا معاكي يا علا وانتي بتتزيني للقاء الخالق من وقتها بسرعة وهو عدى أسبوع والنهاردة تاني جمعة ازاي الوقت بقى سريع اوي كدة الواحد بقى عنده كمية طول أمل في الدنيا دي لا ينتهي فعلا الوقت بيبان كانه طويل ولكنه في الحقيقة بسرعة البرق)
اقرأ: حلا شيحة تساند زوجها وتنفي طلاقهما
وأضافت حلا شيحة: (حبيبتي يا علا يا ترى إيه اللي كان بينك وبين الله عشان كم الحب اللي أنا شخصيا شوفته إللي أنا لمسته فيكي أنك كنتي صاحبة روح طائرة وابتسامة تخطف القلب)
وتابعت: (ويوم كتب كتابي على معز كنتي سعيدة جدًا بتتأملي بهدوء المشهد كله وكنتي فرحانة من قلبك وفرحانة لمعز وعينك كانت بتقول كلام كتير من غير ولا كلمة.. انتي كنتي جميلة من جوة وبرة.. ويوم رحيلك كنتي كمان جميلة.. ربنا اختار لقائك في أحلى يوم في الأسبوع خير يوم طلعت فيه الشمس يوم الجمعة، حبيتك وهفضل أدعيلك ديما ومستنية في يوم أقابلك في الجنة ونعيمها إن شاء الله يا عروس السماء فعلا ربنا يصبرنا على فراقك يا جميلة ويصبر أحبابك كلهم والنهاردة هكون معاكي بالدعاء اطمني ونامي نومة العروس يا اجمل بنوتة)