حلت الفنانة المصرية حورية فرغلي، ضيفة على برنامج “نجمك مع يارا” والذي تقدمه الإعلامية “يارا أحمد” عبر قناة هي، وكشفت حورية فرغلي أثناء اللقاء عن علاقتها بالفنان ميدو فايد.
فاجأت يارا أحمد الفنانة حورية فرغلي باستضافتها للفنان ميدو فايد في الاستديو، وكشفا عن حقيقة ارتباطهما وزواجهما قريبًا.
اقرأ: حورية فرغلي هل تقبل بتأجير رحم للانجاب؟
وقال ميدو فايد: “ده كلام عادي، وده عشان إحنا قريبين من بعض ونعرف بعض بقالنا سنين من الجزء الأول في حكايات بنات، وبعد كده أنا اشتغلت في المعهد لإني خريج أكاديمية الفنون قسم تمثيل وإخراج، فقربنا من بعض تاني والشغل”.
وأوضحت حورية فرغلي بداية عملها مع ميدو فايد، وقالت: “أول مرة نشتغل مع بعض السنادي في المسلسل سيما ماجي وفيلم المدرسة، وفي حكايات بنات كان بيصور مع صبا مبارك مش معايا”.
وكشف ميدو فايد عن دوره في فيلم المدرسة، وقال: “كل اللي بيشوفني بكون بلوكات مختلفة ممكن الناس متبقاش مركزة معايا أوي، مرة حالق شعري مرة تخين أو خاسس شوية، حكايات بنات غير الاختيار غير كلبش 2 غير سبع أرواح غير حارة اليهود”.
وأضاف: “المرادي أنا مختلف لوك مختلف شكل مختلف، مع نجمة قد الدنيا مهما أتكلم عنها مش هوفيها حقها على المستوى الإنساني والمستوى الفني”.
ووجهت رسالة لميدو فايدة مشيدة بموهبته، قائلة: ميدو فنان تقيل جدًا، وكل الأدوار اللي عملها وكان ممكن يعمل أكتر من كده، بس هو مبيعملش أي حاجة دايمًا بيختار الأدوار الصعبة واللي مالهاش علاقة بيه خالص وأدوار مختلفة عن بعض”.